掃呢頁CODE去手機

2017年9月13日 星期三

Celine勁敵Angelina獲評判一致起立讚好 __,Celine,

美國才藝比賽真人騷《全美一叮》(America'sGotTalent,AGT)於香港時間今日舉行準決賽第二回合,香港9歲「小巨肺」譚芷昀(Celine ...




美國才藝比賽真人騷《全美一叮》(America's Got Talent,AGT)於香港時間今日舉行準決賽第二回合,香港9歲「小巨肺」譚芷昀(Celine Tam)打頭陣表演後,其最大勁敵10歲「小雲妮侯斯頓」Angelica Hale壓軸最後一個表演,兩人首次同場鬥一番!

表演前片段大賣溫情,先拍Angelica期待妹妹出世,抱住媽咪的大肚,之後在醫院親手抱住剛出世的妹妹唱歌。Angelica上台唱David Guetta與Usher合作的歌曲《Without You》,展示真音假音轉換自如與「海豚音」的高超技巧,評判全體起立拍掌致敬,觀眾瘋狂歡呼,比Celine反應熱烈得多。

Mel B表示:「你幾歲話?10歲,你擁有天使嘅聲音,你真係有,呢首歌你揀得好有勇氣,有時唱到有時唱唔到,雖然唔係完美,但你絕對係征服到首歌!」Heidi Klum表示:「Gosh,你真係表現非凡,你係我個人心水,我希望大家都同意我。」Simon Cowell表示:「我喺現實生活中去超市時,有時聽到人同我講,呢個女仔真係好犀利。你係個好甜美嘅小朋友。我之前都話,冇嘢衰得過中規中矩,你唱到有一個位令我好震撼!」Howie Mandel表示:「今次又有另一個展示實力嘅一刻,你個音域好廣,控制好好!只有5個人可以過關,美國將會投票,但你令大家更難揀,因為你表現好好!你為個騷帶嚟完滿句號。」

主持Tyra Banks叫Angelica即興唱「vote」(投票」,Angelina聽話地將「Vote,vote,vote!」變成一句歌曲,逗得觀眾非常開心。


來源 source: http://hk.on.cc
鍾意就快D Share啦!