掃呢頁CODE去手機

2017年9月29日 星期五

【足本】「第二啲人嘅嘢我冇興趣」熊黛林二度拒祝福城城:我又唔係剩係得一個ex __,熊黛林,郭富城,城城,

城城郭富城一索得女,前日佢出席活動,好開心咁咬住眼鏡框同大家介紹佢呢位小公主,又話好感謝太太Moka咁辛苦,仲自爆有份剪臍帶添!依家嘅城城,非常深閨, ...


城城郭富城一索得女,前日佢出席活動,好開心咁咬住眼鏡框同大家介紹佢呢位小公主,又話好感謝太太Moka咁辛苦,仲自爆有份剪臍帶添!

依家嘅城城,非常深閨,連佢自己都話,唔使開工嗰陣,佢就一定返屋企湊女。一眾好友都輪住恭喜城城初為人父,除咗……

今晚熊黛林(Lynn)中環文華酒店出席珠寶展,傳媒自然追問佢:城城生女做爸爸,問Lynn可會祝福佢?

Lynn答:「你哋(指傳媒)祝福佢就夠多一個唔多,少一個唔少。」

傳媒再問:「BB似城城喎(城城自己講0架),咁你會唔會覺得好靚女?你會唔會想睇下?」

Lynn就答:「我冇乜想唔想睇,我唔好奇。自己嘅嘢咁多,仲理人哋嘅嘢咩?」

咁係咪即係,以後有關城城嘅嘢,你都唔會理?Lynn話:「理我老公嘅嘢啦,第二啲人嘅嘢我冇興趣。」咁你老公咪好冧?「等佢冧下啦。」咁呢啲係咪你老公意思?Lynn稱:「我不嬲都係咁嘅,我都唔止一個ex,個個都係咁,一視同仁,唔係對人。」

言下之意是否同每個ex都做唔到朋友?Lynn稱:「冇,完全係冇聯絡,所有都係咁。」係咪因為分手唔開心?「我個人性格就係咁。」

再問Lynn係咪可以做到好絕?佢話:「係呀,睇唔出呢?」言下之意係咪想俾安全感老公?Lynn答:「係啦,費事啦。」

攝影:陳順禎 「我冇乜想唔想睇,我唔好奇。自己嘅嘢咁多,仲理人哋嘅嘢咩?」 「你哋(指傳媒)祝福佢就夠」
「多一個唔多,少一個唔少。」 「我都唔止一個ex,個個都係咁,一視同仁,唔係對人。」

鍾意就快D Share啦!