張繼聰要再培訓掃風先得呀。
張繼聰同謝安琪（Kay）嘅囡囡張靖（Karina）轉眼已經差唔多半歲大喇，早前Kay暗示復出無期，所以阿聰要負起養家重任，為頭家日做夜做，但身為好爸爸嘅佢一有時間就會同前世情人培養感情，今日阿聰就喺ig上載兩條同囡囡嘅自拍片，真係勁搞笑又溫馨呀！
阿聰同囡囡玩拍片app，見阿聰不停擠眉弄眼，但阿囡只係好淡定咁望住鏡頭，後尾阿聰就錫咗囡囡額頭一下，而阿囡都係繼續維持佢淡定嘅表情....跟住阿聰就上載第二段片喇，見囡囡開始有啲o嘴，而阿聰繼續做佢嘅「面部運動」，就係呢個時候，阿囡竟然淡定地嘔奶，阿聰即刻笑咗出嚟，場面勁搞笑！阿聰就留言：「小朋友永遠都有搶鏡嘅絕招。」而網民就留言話張靖嘔得好自然，仲要無限loop嚟睇，而做咗人阿媽嘅千嬅都留咗兩次言，讚Karina好cute，仲話好懷念嘔奶日子添。不過阿聰都係快啲去幫個女掃風，唔好拍片住喇！
來源 source: http://hk.on.cc
|
鍾意就快D Share啦！
|
|
|
