掃呢頁CODE去手機

2017年9月12日 星期二

【新iPhone殺到】萬元「腮紅金」炒得起!暖男呻貴 但照買氹女友 __,iPhone,

蘋果公司今日正式發佈新iPhone,料登場新機包括iPhone10周年重頭戲iPhone8(iPhoneXEdition)、iPhone7s及7sPl ...


蘋果公司今日正式發佈新iPhone,料登場新機包括iPhone 10周年重頭戲iPhone 8(iPhone X Edition)、iPhone 7s及7s Plus,設新顏色「腮紅金」(Blush Gold),並傳出行雙電池及使用A12處理器,市場傳出10周年版iPhone定價可能高達萬元,市民聞價紛紛指太貴無意購買,不過有廿四孝男友打算買新機幫女友換舊機。炒家料新機再貴仍有市場,估計特別色價格可以炒貴原價4至5千元。

坊間流傳iPhone 8(又傳稱iPhone X Edition)、iPhone 7s及7s Plus將設32、128、256GB三種記憶容量,新設「腮紅金」(Blush Gold)色,介乎於銅與粉紅之間的顏色,新功能方面,坊間傳出新iPhone會提升對應NFC功能、使用雙電池技術、有遙距叉電設計,加上新行使A12處理器,市場料售價可能高達1萬港元。

定價高企能否吸引市民購買?《蘋果》在街頭訪問逾10名途人,當中只有一人表明很大機會買新iPhone,從事保險業的李先生指女友現時正在使用舊型號,所以新機推出很有可能會買:「差唔多一萬蚊我都覺得偏貴,(會否多買一部炒機?)我唔炒iPhone,太麻煩。」鄺同學則未下決定:「睇吓咩樣先,如果超過1萬就唔會買,睇吓(炒機)反應點樣先。」

大部分人都指不會買新iPhone,在學校春風化雨的梁老師認為「電話夠用就OK」,他指過萬元一部電話難以負擔,「唔值得咁貴買一部電話。」有行色匆匆的路人指「應該唔會買啦,炒唔起啩我估?」對於有炒家指可能有機會炒貴數千元,他邊走邊說:「講咁講啫,上年都炒唔起(你上年有買?)冇呀買唔到呀!」

先達廣場數碼匯負責人阿勇估計,iPhone第8代適逢面世10周年,相信有炒機潛力,他指一來有新顏色,二來新功能有A12處理器及2,300萬像素雙鏡頭,技術有突破,即使定價可能比之前貴逾千港元,可能會嚇退部分買家,「但鍾意嘅人都係會買」。他坦言逾萬元手機「我都覺得貴」,但以往iPhone 7亮黑色也能炒至兩萬多元,甚至再之前的iPhone 6等多部型號炒價都達萬元。他料特別色可炒貴原價約4、5千元,普通版金、銀、黑等可能約500至2,000元,現時已有約50名客人查詢放售價格。



保險業李先生:「應該會買,差唔多一萬蚊我都覺得偏貴,但想買畀女朋友,因為佢嗰部舊啲,想買部新嘅畀佢,我唔炒iPhone,太麻煩。」(江俊豪攝) 先達廣場數碼匯負責人阿勇相信,新iPhone推出仍有叫座力,料特別顏色機款可炒高4,000元。 (何家達攝)
新iPhone將於下周二發售,不過有指部分機款售價或突破萬元,市民普遍指不會考慮購買。(何家達攝) 新iPhone將於周二發售,不過有指部分機款售價或突破萬元,市民普遍指不會考慮購買。(何家達攝) 鄺同學(右):「未決定,睇吓咩樣先,如果超過1萬就唔會買,睇吓反應點樣先。」(江俊豪攝)
打工仔Crystal:「睇咗個價好似都要7,000幾,太貴囉我覺得,或者追科技嘅人會覺得吸引啲,我覺得一部電話5、6千蚊已經算貴。」(江俊豪攝) 麥同學(左):「冇興趣買,一部電話夠用就得啦,3、4千差唔多,7、8千蚊太貴,對我嚟講(電話)唔需要太貴。」(江俊豪攝) 地盤工Ray:「我唔炒啦,電話都係自用為主,(過萬蚊一部電話點睇?)冇乜嘢吖,真係冇乜嘢,反正我都唔買。」(江俊豪攝)
學生Jacky:「過萬蚊一部機?太貴啦,我未用SE前都用iPhone4,已經覺得好夠用,(同埋)我唔鍾意太大部電話。」(江俊豪攝) 大學一年級生Stella:「冇錢買,好貴呀,學生無本金。宜家用緊iPhone6S,出咗一年咋唔會換住。」(江俊豪攝) 教師梁先生:「電話夠用就OK,(過萬蚊一部電話)負擔唔起,唔值得咁貴買一部電話。」(江俊豪攝)

鍾意就快D Share啦!