2017年9月21日 星期四

【獨家】王君馨師奶Look曝光 婚後發福驚現水桶腰 __,君馨,王君馨,

31歲嘅王君馨(Grace)喺今年7月同拍拖12年嘅初戀男友Daniel結婚,其實佢哋情路都幾崎嶇,曾經分手再復合,分隔兩地嘅時間仲足足有十年半咁耐。 ...


31歲嘅王君馨(Grace)喺今年7月同拍拖12年嘅初戀男友Daniel結婚,其實佢哋情路都幾崎嶇,曾經分手再復合,分隔兩地嘅時間仲足足有十年半咁耐。維繫感情嘅方法,只係靠一星期一次嘅視像電話通話,好彩佢哋都係虔誠基督徒,心靈溝通更重要。

Grace近年演藝事業漸見起色,《城寨英雄》風情萬種嘅花曼,同《心理追兇》心理變態嘅海澄均大獲好評。Grace嘅丈夫Daniel為支持太太,不惜放棄喺紐約嘅銀行工作同家人,搬嚟香港居住,Grace曾經喺訪問中講過﹕「佢要適應住喺一間同紐約洗手間差唔多大嘅睡房。」真係好偉大嘅愛情故事。

讀者戴小姐日前透過《蘋果》爆相爆片,表示喺今個月初喺將軍澳Popcorn商場,見到君馨同老公手拖手行街,好恩愛。當日下午一時許,雖然係午飯時間,但Grace講過唔使開工都想做番自己,所以當日佢戴住cap帽完全冇化妝,着住黑衫黑褲加拖鞋,外面加一件白色風褸,打扮好樸實,所以冇乜街坊認得佢。戴小姐話﹕「王君馨警覺性都幾高,好似發現有人影就即刻擰歪面,反而佢老就乜都冇理。」

Grace向來身材出眾,但當日就好似有少少走樣,多咗啲幸福肥,連條黃蜂腰都唔見咗。見佢全程拖住老公隻手,Daniel好細心,一邊膊頭幫老婆孭背囊,另一邊膊頭就孭住個環保袋。而Grace邊行邊睇電話,戴小姐話佢同老公鮮有交談,急急步咁行咗去附近另一個商場。

王君馨一直守身如玉,經歷12年情路終結成夫婦。(讀者提供圖片) 王君馨婚後發福唔少,黃蜂腰不見了。(讀者提供圖片) 兩人好sweet,大部份時間都手拖住手。(讀者提供圖片)
老公仲好細心幫老公孭手袋。(讀者提供圖片) 王君馨同老公早前喺美國教堂行禮,之後再返港補擺喜酒。 王君馨憑「花曼」一角上位,呢幕半裸大露背非常經典。(劇照)

鍾意就快D Share啦!
Related Posts Plugin for WordPress, Blogger...