網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年9月9日 星期六

【李八方Online】岳少封盤 丹麥迎娶靚女友Eve __,岳少,林建岳,

(圖片來源:「810扮工室」fb專頁)迷倒萬千少女、致力改善社會風氣嘅公民黨黨魁楊岳橋,終於都封盤喇﹗岳少講過今年底會同女友Eve拉埋天窗,佢果然講得 ...


迷倒萬千少女、致力改善社會風氣嘅公民黨黨魁楊岳橋,終於都封盤喇﹗岳少講過今年底會同女友Eve拉埋天窗,佢果然講得出、做得到。兩口子趁住立法會休會,低調去咗歐洲丹麥註冊。睇嚟八方都要改口叫岳少做岳爺喇。

岳爺同做事務律師嘅楊太向來都好低調,公眾場合甚少見兩人同場。不過今年初岳爺去挪威睇北極光嘅時候就成功求婚,之後佢透露過將會喺年底結婚。

作為找數真漢子,岳爺提早兌現承諾,今日就喺丹麥同Eve註冊。雖然岳爺自己冇公開喜訊,不過佢議辦嘅fb專頁「810扮工室」就率先爆料,po咗楊生、楊太戴住婚戒嘅甜蜜合照,仲用一連串hashtag道賀,「#我真係恭喜你呀 #從此被困 #恭喜楊生楊太三年抱三 #如此洞房花燭夜 #不需810伴身旁」。封盤消息發佈半個鐘,已有逾百個留言恭賀楊岳橋,唔少人祝福楊生楊太連生貴子,亦有人重提楊岳橋與陳玉娥的「緋聞」,講笑話「橋橋結婚了 新娘不是娥!」

初為人夫嘅岳爺仲計劃好,註冊完就喺丹麥同法國渡蜜月,you are very romantic﹗至於造人大計方面,岳爺話未有啦。咁又係,啱啱先結婚,梗係享受一下二人世界先。講咗咁耐,八方都喺度祝楊生、楊太百年好合、永結同心,出年記得派利是呀﹗

岳爺自己嘅facebook就暫時未見到宣佈自己結婚,但佢就分享咗運房局局長陳帆一段用婚姻比喻高鐵一地兩檢方案嘅新聞,陳帆話就算揀咗終身伴侶,都唔等於要放棄其他伴侶,岳爺即時話婚姻係莊嚴神聖嘅承諾,既然選擇咗,就唔好對其他伴侶念念不忘。楊太聽到,一萬個放心啦。


鍾意就快D Share啦!