掃呢頁CODE去手機

2017年9月4日 星期一

【獨家】陳慧珊一家三口Shopping被撞破 賣甩老公黑面拖女走人 __,陳慧珊,

因為演出《壹號皇庭》、《妙手仁心》呢一系列劇集而坐穩花旦位置嘅陳慧珊(Flora),喺06年同經理人鍾家鴻(Mike)秘密撻著,之後喺07年懷孕而停工 ...


因為演出《壹號皇庭》、《妙手仁心》呢一系列劇集而坐穩花旦位置嘅陳慧珊(Flora),喺06年同經理人鍾家鴻(Mike)秘密撻著,之後喺07年懷孕而停工一段日子,專心照顧囡囡Mira。雖然喺12年初,Mike因生意經營不善而破產,有指搵搵錢嘅重任交托咗俾Flora,嗰陣有傳回歸無綫拍《衝上雲霄2》,不過最後Flora選擇喺香港大學就讀碩士學位,強調經濟冇問題。

直到13年,Flora喺曾志偉嘅邀請下,復出拍《女人俱樂部》,但係嗰陣傳佢同其他演員不和,聲勢不如以前,15年拍完《波士早晨》之後,正式約滿而離開無綫。回復自由身嘅陳慧珊,原來轉戰去幕後做創作人,寫電影劇本,仲同老公一齊合作拍紀錄短片,分享夫妻相處之道。

陳慧珊喺訪問曾經講過,做咗媽咪之後,多咗好多顧慮,不過佢覺得女兒有個人意見,做爹哋媽咪嘅會採納同尊重,應該帶領佢哋前進(新聞連結:http://bit.ly/2exBAPJ)。修讀教育博士學位嘅Flora,早前仲一家三口去咗尼泊爾作生活探訪,希望得到書本以外嘅體驗。(新聞連結:http://bit.ly/2grOU59)

話晒o依家少咗喺幕前工作,當然會有更加多時間照顧囡囡,於是乎佢哋趁開學前夕,一家三口行家SHOPPING,唔經唔覺,日前《蘋果》喺銅鑼灣利園專賣童裝嗰陣遇到Flora一家,唔經唔覺,Mira今年已經10歲,外貌同Flora一個餅印,嗰陣佢哋一齊喺試鞋,睇到Mira都好有自己嘅主見,爹哋媽咪亦好放心,由佢自己揸主意。

大約試咗15分鐘左右,佢哋一家離開商場,一向低調家事嘅Flora,好快發現有記者影相,雖然佢嗰陣戴住黑超,不過都feel都氣場好勁,佢黑晒面拖住Mira急步走,爹哋一直跟隨後面,唔知Flora係咪嫌佢行得太慢,最後決定行落自動樓梯,避開鏡頭!

攝影:孔志豪 陳慧珊同囡囡一齊睇鞋。

發現俾人影即刻黑面! 拖住囡囡走人!


鍾意就快D Share啦!