網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年10月24日 星期二

【有心有力】與上海女友拍拖12年 81歲謝賢話希望係最後一段情 __,謝賢,

「八十後」嘅謝賢雖然外表風流倜儻,不過查實佢嘅感情生活唔係咁多姿多采,自從同拉姑離婚後,同一個細佢49年嘅上海姑娘CoCo拍拖,唔經唔覺佢哋拍咗拖12 ...




「八十後」嘅謝賢雖然外表風流倜儻,不過查實佢嘅感情生活唔係咁多姿多采,自從同拉姑離婚後,同一個細佢49年嘅上海姑娘CoCo拍拖,唔經唔覺佢哋拍咗拖12年,舊年仲有傳CoCo懷孕,話四哥將會再做老竇,事後四哥老馬有火話:「Short㗎!梗係冇啲咁嘅事喇!」(新聞連結:http://bit.ly/2yLQrh8)

今日有周刊報道,話四哥同CoCo拍拖12年,感情一直好好,喺上海定居嘅CoCo,經常來港陪四哥兼入住四哥喺陽明山莊嘅寓所。日前見到CoCo坐住四哥架車去太古廣場行街,跟住又去中環嘅銀行搞個人事務,夜晚梗係陪男友去食燭光晚餐喇!報道話四哥全程o氹到女友笑得好開心,嘆咗幾粒鐘之後,再一齊返陽明山莊嘅寓所!

強調自己仲有心有力嘅四哥,佢曾經喺訪問講過,同CoCo一齊相信係緣份,大家好投緣,但係四哥都冇再結婚嘅打算,一來四哥覺得名份係假嘅,二來佢又覺得自己已經過咗80歲,如果女友遇到一個好嘅,佢唔介意對方離開自己!

之不過四哥仲曾經喺大陸啲節目公開表白,佢希望今次係最後一段感情,所以佢想好好保存,同場嘅CoCo亦都話雖然同四哥一齊壓力好大,不過同佢一齊真係好幸福,仲大讚四哥係一個好有紳士風度嘅人,一直對佢呵護備至,所以佢覺得好榮幸同幸福!

(資料圖片) 「八十後」嘅四哥強調自己仲有心有力!(資料圖片) CoCo經常來港探望男友。(資料圖片)
CoCo讚男友對佢好好!(資料圖片)

鍾意就快D Share啦!


Related Posts Plugin for WordPress, Blogger...