網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年10月12日 星期四

歐陽妙芝踢爆 佳麗遲到鬧保母:「梅艷芳都遲到啦!」 [壹週刊 - 1440] __,歐陽妙芝,梅艷芳,M1,

九歲的細仔好黐身,歐陽妙芝連出席活動都要囝囝批准。繞場壹週歐陽妙芝踢爆 佳麗遲到鬧保母:「梅艷芳都遲到啦!」97年香港小姐靚女多,競爭大、是非日日新鮮 ...


九歲的細仔好黐身,歐陽妙芝連出席活動都要囝囝批准。繞場壹週歐陽妙芝踢爆 佳麗遲到鬧保母:「梅艷芳都遲到」97年香港小姐靚女多,競爭大、是非日日新鮮 ...






九歲的細仔好黐身,歐陽妙芝連出席活動都要囝囝批准。

繞場壹週

歐陽妙芝踢爆 佳麗遲到鬧保母:「梅艷芳都遲到」

97年香港小姐靚女多,競爭大、是非日日新鮮,幾乎日日霸住 C1,最令人印象難忘應該是兩位做咗人阿太的翁嘉穗同李明慧爭仔的「鄔公奇案」。

今集《繞場壹週》請來的嘉賓有 78年的香港小姐競選決賽佳麗 Gloria李嘉麗、 2005年的香港小姐冠軍葉翠翠 Tracy以及 97年港姐 5強大熱的歐陽妙芝,其中 Christine(歐之洋名)大爆當年有佳麗遲大到,寸嘴同保母講:「梅艷芳都遲到」人肉字典的主持葉 Fun靈機一觸指對方應該是「細冧巴、大熱門」,大家又有冇印象呢位佳麗係邊個?

難忘佳麗大膽頂撞





今集《繞場壹週》請來七八年決賽佳麗李嘉麗(左一)、九四年五強的歐陽妙芝(左二),以及○五年冠軍葉翠翠,三人分別在參選港姐前後參與模特兒工作。

選港姐最緊要斯文大方得體,除此之外平時操行都好重要,會影響到賽果,選美達人葉 Fun,問到幾位嘉賓知唔知選美期間,有冇見到些操行欠佳的佳麗。

歐陽妙芝:「都有嘅,同埋可能佢哋真係太細個,所以佢哋可能會鬧番啲保母!事後同保母圍埋傾偈,佢哋講番遲到仲喺度話番人轉頭『梅艷芳都遲到』真係呢句說話,我係幾深刻。」

葉翠翠:嘩!咁犀利?

葉 Fun:幾大膽喎呢句?

葉翠翠:冇做娛樂圈㗎嘛?

歐陽妙芝:冇佢仲要鬧番個保母,其實大家都唔知道保母係有份俾分㗎,好緊要!

葉翠翠:呢個依家我哋講咗出嚟喎。

歐陽妙芝:哎呀!得唔得㗎?

葉翠翠:梗係得

葉 Fun:個個都知嘅,有本操行簿, mark住嘅。

李嘉麗:我到依家呢分鐘先知!

葉翠翠:吓!你依家先知㗎?

霆鋒收 order特別關照

葉 Fun:我知你當時參選嘅時候已經做緊模特兒。你已經同好多藝人合作過,其實對於你參選期間會唔會有幫助?

歐陽妙芝:我覺得好嘅,有個 friend喺度傾吓偈,係當時馮德倫囉,以前拍廣告嘅時候認識,一齊拍廣告嘅。咁之後……其實當年好好彩,因為霆鋒個化妝師 Donald又係我啲朋友嚟。咁所以 Donald好好,成日同霆鋒講幫我睇住十九號咁樣囉。咁所以其實有啲休息時間,都會大家傾吓偈,會輕鬆啲囉,因為其實選嘅時候都幾緊張。

葉 Fun:咁會唔會有其他女仔看在眼裡話……

葉翠翠:一定有

歐陽妙芝:有人寫,寫我哋鬼混!

葉 Fun:不過通常呢啲都會㗎啦,其他女仔會覺得你係咪識人㗎,有後台呀咁樣。

歐陽妙芝:唔係真係,只不過咁啱佢哋又做表演嘉賓,咁有朋友,即係個環境好似輕鬆啲囉。





歐陽妙芝五強止步,之後再投身模界,旋即成為最 top的一群。





97年港姐競爭好激烈,六大熱門由頭鬥到尾,而 3號歐芷婷當年有「是非精」稱號,兼且紀律一向麻麻,選美達人所講的「細冧巴」佳麗,莫非就係佢。





與霆鋒化妝師 Donald分屬好友,參選期間歐陽妙芝獲對方分外關照。





參選前已認識馮德倫,加上霆鋒分外關照,令歐陽妙芝參選期間與二人先後傳出緋聞。





成為冠軍的翁嘉穗與亞軍的李明慧先後同海馬老闆鄔友正拍拖,爭仔爭到出面,一地花生。

撰文:娛樂組

攝影:黃志明

攝錄:黎少傑、葉志明

葉 Fun化妝: Candice Li 

歐陽妙芝髮型、化妝: Kitson Yu@Portfolio Makeup

場地提供: Lanson Place Hotel


鍾意就快D Share啦!