高Ling同婆婆影番當年嘅合照，兩個都咁靚呀！
無綫咪神高海寧（高Ling）雖然工作忙碌，但佢嘅婆婆專程由南京嚟香港，所以呢個乖孫就當然要抽時間陪吓對方，尋晚梗要一家人做節食飯過中秋佢喺Instagram上載咗同婆婆一齊嘅對比照，留言：「一轉眼，21年了！我最心愛的外婆，您一定要健健康康，繼續陪著（着）我、一直陪伴著（着）我…#婆孫情#彼此的一生中最愛#你陪我長大我陪你到老！」
當年大概9歲嘅佢挨實婆婆，雙手捉實婆婆膊頭笑得勁開心！而今年嘅佢「複製」當年合照，同婆婆做番一樣嘅表情動作！網民都激讚高Ling冇變過，細細個已經係美人胚子又下巴尖尖，唔同嘅只係戴咗副眼鏡，又話婆婆都係咁靚，叫佢要身體健康咁話，真係隔住咗個Mon都覺得佢哋好溫馨呀！
不過有搞笑嘅網民就留意到另一樣嘢，覺得當年高Ling隻手個感覺有啲怪怪咁話「右邊隻手好恐怖」，相信都係角度問題啫？？！！
來源 source: http://hk.on.cc
|
鍾意就快D Share啦！
|
|
|