睇到都面紅！
藝人傅嘉莉與關楚耀在沙灘拍攝接吻戲，二人一Take過完成30秒的咀戲，傅嘉莉大爆關楚耀經常於化妝間刷牙。關楚耀則讚拍檔嘴唇柔軟，不介意再親熱點。
咀戲一Take過
藝員傅嘉莉（Kelly）與關楚耀（Kevin）日前到麗都灣為無綫新劇《特技人》拍攝一場沙灘接吻戲，Kelly以低胸晚裝亮相，二人儼如一對新人。拍攝時，二人極速投入情緒，埋位前更與導演多次溝通細節，表現超投入未有笑場，最終一Take過完成接近30秒的深情擁吻。
劇集尾聲感不捨
二人事後接受訪問，坦言好享受這場接吻戲。問到事前有甚麼準備？Kelly爆料說：「唔止拍接吻戲，我成日都見到Kevin喺化妝間刷牙，真係利害，佢已經完全融入咗公司！」Kevin則大讚拍檔：「Kelly嘴唇好柔軟，之前都拍過吻戲，同今次比算小兒科，今次做主動，拍出嚟好怕觀眾覺得核突又唔浪漫，所以唔介意親熱啲。」Kelly笑言不需要刻意培養情緒，因二人已累積三個月感情：「劇組安排我咗喺尾聲先拍，呢三個月同Kevin合作得好開心，所以完全冇尷尬。」Kevin則笑言快將與劇集「吻別」，大感不捨。
女仔留疤好有型
此外，Kelly提到日前拍攝時擦傷手臂：「好彩今晚套衫都遮到，傷口已經埋口。（擔心留疤？）之後會搽Cream同黐除疤貼，不過我覺得女仔有疤都幾型。」Kevin則指一班拍檔如朱晨麗、譚俊彥等都有受傷，大呼痛心：「當日睇住譚俊彥完成演出同受傷，好尊敬佢對拍攝嘅認真。」
來源 source: http://hk.on.cc
|
鍾意就快D Share啦！
|
|
|