2017年10月15日 星期日

【驚俾人睇蝕?】陳凱琳低胸騷32A身材 男友鄭嘉穎嘅反應係... __,凱琳,鄭嘉穎,嘉穎,陳凱琳,

陳凱琳(Grace)低胸到中環出席設計師何國鉦與品牌ARTE嘅聯乘活動,問到有冇俾男友鄭嘉穎過目,Grace笑言:「佢(嘉穎)都有望一望呀,一望之後就 ...


陳凱琳(Grace)低胸到中環出席設計師何國鉦與品牌ARTE嘅聯乘活動,問到有冇俾男友鄭嘉穎過目,Grace笑言:「佢(嘉穎)都有望一望呀,一望之後就『吓』咗一聲,我咪話係大會指定,要尊重番大會,但臨出門時,佢都有比咗件披肩我,叫我遮住先出街,費事俾街啲睇到,出席活動就冇所謂。」驚俾人睇蝕?佢話:「佢驚我冷親啫,打風吖嘛!」

提到下晝素顏同男友鄭嘉穎睇網球比賽時好恩愛咁拖晒手喎( 新聞連結:http://bit.ly/2giN7Ub ),Grace話:「我都係第一次睇Live囉,睇呢啲公開賽係一個好好嘅拍拖節目囉,覺得好刺激,睇女仔(打波)好似好睇啲、刺激啲!(男友有冇教你打網球呀?)試過一次,但我真係好冇網球天份囉,佢開頭係俾啲小朋友學嘅網球我啦,一打好似好易上手咁,但真係開始打時,就好快,所以都係唔好搵啲咁強嘅對手!」

至於會唔會投嘉穎所好,Grace就話:「咁又唔會嘅,睇吓大家係咪可以一齊玩吓囉,但佢知道我冇興趣,佢都冇乜所謂嘅!拍戲同睇戲都係我哋共同興趣,有啲咩新戲要拍都會一齊分享,(屋企玩角色扮演?)咁又唔會,平時都要拍戲,返到屋企要做番自己。」

下月好友陳嘉寶結婚,Grace就會做姊妹,有指佢會將花球會拋俾佢,Grace就話:「吓,係呀,咁我盡量接」但之後佢又反問記者接咗花球係咪有第二啲意思,記者指都係要嫁㗎啫,冇乜特別意㗎,咁佢就答:「順其自然都唔強求嘅。」最近Grace經常以素顏示人,見佢個黑眼圈好深,佢就直認自己係有黑眼圈,但都冇乜所謂,因為自己工作以外都唔鍾意化妝,因為要俾皮膚休息吓!追問嘉穎可介意?佢話:「要介意都冇辦法,咁我真係有熊貓眼嘛!」

除Grace外,張文慈、陳法蓉,向海嵐,陳爽,楊思琦都有出席活動。



攝影:羅慧敏 陳凱琳話男友鄭嘉穎睇到佢咁着都「吓」咗一聲。 華麗轉身先...
楊思琦 向海嵐 陳法蓉
林燕玲 張寶華


鍾意就快D Share啦!
Related Posts Plugin for WordPress, Blogger...