2017年10月19日 星期四

自信心返晒嚟  34C倒吊飛奶 [壹週刊 - 1441] __,M1,

探熱針自信心返晒嚟 34C倒吊飛奶江美儀自從成為豐胸代言人之後,成個人都變得有信心晒,經常拋胸示人,展示34C有料到身材。最近江美儀拍新廣告,繼續以貼 ...






探熱針

自信心返晒嚟  34C倒吊飛奶

江美儀自從成為豐胸代言人之後,成個人都變得有信心晒,經常拋胸示人,展示 34C有料到身材。

最近江美儀拍新廣告,繼續以貼身吊帶小背心造型出現,之前拋胸都未夠盡,今次江美儀直情玩 Flying Yoga,做出飛奶效果,胸湧到呢……睇到大家嘩聲四起。

周身瘀傷

其實之前江美儀完全都冇接觸過 Flying Yoga,所以在拍廣告前她特別去搵老師上速成班,第一次玩就已經搞到周身傷,當吊起時被威吔刮到腰部有幾條瘀痕,要等成三四日先散瘀。

到正式拍攝當日,製作單位原本安排了導師從旁指導,點知導師當日早上才臨時通知有事,唔能夠到場,又搵唔切其他導師頂替,但為免影響進度,江美儀好專業,決定打天才波頂硬上。

首先要拍倒吊動作,江美儀最初完全唔識掌握,要工作人員兩邊扶住,前前後後倒吊了接近十次,搞到江美儀周身大汗,而且仲出現見暈同作嘔感覺,要助手去買腸仔包頂肚。





無教練喺現場指導,江美儀由工作人員托住,做出倒吊動作。





經過六七次試位,江美儀終於做到導演要求的效果。





吊到反晒眼兼伸晒脷,拍廣告嘅錢都唔係易賺。

吊到作嘔

食完個包後,江美儀回復狀態,終於做出完美倒奶效果,她說:「平時我淨係吃喝玩樂,就算我做運動,都好少做呢啲咁高難度動作,頭先倒吊真係有少少頭暈,啲血充晒個頭度,直情想作嘔,好彩出嚟導演話靚,最緊要效果好。」

跟住江美儀要向高難度挑戰,吊威吔玩 Flying Yoga,經過第一次練習時經驗,為免再整到周身傷,江美儀加了腰封做保護,喺冇導師指導下,她今次好快就做到導演的要求,向住鏡頭飛撲埋去,做出波濤胸湧飛奶效果,由於視覺效果夠晒「 big」真,睇到現場工作人員嘩聲四起。

但著得咁少布,又要做出連串大動作,唔知江美儀驚唔驚會走光!「唔驚,做晒預防措施,我反而驚整親,你知而家整親要醫好耐,你明唔明呀,哈哈……」





為了拍今次廣告,江美儀之前專登去上堂學 Flying Yoga。





江美儀突然吊到想作嘔,於是要食腸仔包充飢。





做幾下動作,江美儀已經熱到出晒大汗,要助手撥扇。

撰文:娛樂組

攝影:蕭敬漁


鍾意就快D Share啦!
Related Posts Plugin for WordPress, Blogger...