掃呢頁CODE去手機

2017年10月12日 星期四

【獨家】爺孫戀!73歲陳觀泰入紙註冊:婚後喺大陸定居 __,陳觀泰,中國,大陸,

採訪:黃曉妍、何永寧現年73歲陳觀泰喺郭子健同鄭思傑聯合導演嘅《打擂台》演曾經叱吒風雲嘅鐵拳拳王,電影口號係「唔打就唔會輸,要打就一定要贏」。事實上自 ...


現年73歲陳觀泰喺郭子健同鄭思傑聯合導演嘅《打擂台》演曾經叱吒風雲嘅鐵拳拳王,電影口號係「唔打就唔會輸,要打就一定要贏」。事實上自幼大聖劈掛拳習嘅泰哥,喺70年代邵氏時代紅極一時,憑住張徹導演嘅《馬永貞》一片成名,演活咗馬永貞呢個角色,當時跟姜大衛、狄龍齊名。

泰哥28歲已係人生贏家,可惜感情路上幾經離合,與盈盈拍拖,之後分別與方怡珍、趙婷婷等結婚,但離婚收場,又同曾演《射鵰英雄傳》嘅「華箏公主」黃造時拍過拖。

屢敗屢戰嘅泰哥近日又再喺香港入紙結婚,《蘋果》發現佢喺上個月同43歲湯莉萍申請註冊,報住嘅地址喺大陸中山市。

今日泰哥接受電話訪問時承認再婚,佢笑笑口話:「多謝晒,喺香港註冊未決定邊日,低調啲啦!人生對自己一種……到咗咁嘅年紀,有個人照顧下,拜託你哋唔好同我寫咁多嘢。」

講到點樣認識湯小姐就唔想公開,佢話唔會大搞擺酒,註冊係俾女方一個交代,泰哥話:「認識咗4、5年,婚後都會喺國內定居。都會返香港同啲最親近嘅朋友食飯,內地都係同啲圈內、最親近人食飯啦。有時啲嘢對我哋公眾人物有壓力,咁嘅年紀唔想承受,希望你哋諒解。」


鍾意就快D Share啦!