掃呢頁CODE去手機

2017年10月26日 星期四

生 B創業撞到正 準媽咪 JJ開萬呎親子餐廳 [壹週刊 - 1442] __,JJ,賈曉晨,M1,

在北京安胎的JJ,據悉還有兩個月就臨盆,但四肢保持纖幼,呢位孕媽長胎唔長肉。探熱針生B創業撞到正 準媽咪JJ開萬呎親子餐廳34歲賈曉晨(JJ),同樊少 ...






在北京安胎的 JJ,據悉還有兩個月就臨盆,但四肢保持纖幼,呢位孕媽長胎唔長肉。

探熱針

生 B創業撞到正 準媽咪 JJ開萬呎親子餐廳

34歲賈曉晨( JJ),同樊少皇排除萬難於去年初結婚,婚後一直努力造人,終在今年六月宣布有喜。但佗 B的 JJ無時停,近日在北京大搞萬呎創業作,食住將為人母身份開親子餐廳,預計年底開張,為搵錢唔介意同生 B期撞到正。

佗 B狂食甜品血糖高

今年六月, JJ(賈曉晨)在老公樊少皇生日前公布有喜。據了解,在北京專心安胎的 JJ,將在年底返港生產。近日在網上發現她的大肚近照,其中一張面前放了一鍋食物,並寫道:「我現在的飯量……要用鍋上了。」自爆佗 B後食量驚人!雖然胃口大,但佗住巨肚接近產期的 JJ,手腳依然纖幼,又難得樣子冇浮腫,絕對是索爆孕婦。

不過為食大肚婆因超標食甜品,搞到血糖高,老公樊少皇好緊張,睇實老婆飲食,還親手為她炮製紅米飯團做健康雜糧。





飯碗分量已經滿足唔到大肚婆 JJ,好擦得的她要成鍋上。





上圍開始谷奶的 JJ,冇肥腫走樣,名副其實索孕媽。





葉璇送給他們的 BB床。





見老婆佗 B血糖高,樊少皇暖男上身,親手炮製健康紅米飯團俾老婆當雜糧。





今年六月, JJ在網上公布踏入三人世界,宣布有喜。

萬呎餐廳連遊樂場

雖然 JJ佗 B後將幕前工作煞停,但她的如意算盤另有搞作,開萬呎親子餐廳做創業作,食住人母身份做生招牌。據知餐廳開張撞正她生 B期。

「其實 JJ一直想搞生意,佗 B時停晒工,咁啱佢個好姊妹話想搞親子餐廳,咪決定拍住上。間餐廳喺北京,有萬幾呎,裡面有個好大遊樂場,小朋友一邊玩,家長就坐喺一邊食飯,親子餐廳依家裝修緊,應該今年十二月底或一月就開幕。雖然開張時可能撞正 JJ個 BB出世,要忙湊 B,不過佢好放心,因為有 partner睇住,盤生意佢當鋪定後路,因為佢想之後多啲時間照顧小朋友。」知情者說。





今年八月 JJ返港做產檢,陪住行街的樊少皇好緊張,沿途將老婆攬到實。





佗 B都忙住創業,年底在北京開幕,連埋兒童樂園的親子餐廳,是 JJ另一個 BB。

撰文:娛樂組

攝影:何子洋、蕭敬漁


鍾意就快D Share啦!