掃呢頁CODE去手機

2017年10月15日 星期日

開公司做娛樂大亨 林峯包起千語BB __,林峯,吳千語,千語BB,千語,

林峯要自組公司,仲要簽埋千語BB!藝人林峯即將展開人生新一頁,但講緊嘅佢唔係同女友吳千語結婚嘅人生大事,而係自組公司升呢做林老闆,為佢已經好燦爛嘅星途 ...


林峯要自組公司,仲要簽埋千語BB!


藝人林峯即將展開人生新一頁,但講緊嘅佢唔係同女友吳千語結婚嘅人生大事,而係自組公司升呢做林老闆,為佢已經好燦爛嘅星途再創高峰!據知林峯即將和合作三年嘅英皇約滿,屆時佢唔再續約,密謀成立工作室話晒事兼招攬藝人,37歲嘅佢打造自己成為娛樂大亨!

當年天價加盟英皇

入行18年嘅林峯事業發展順利,由佢加盟無綫開始,足足被無綫力捧15年,歌、視、廣告、商演及演唱會瓣瓣得,除咗係一線小生外,曾喺無綫嘅《勁歌金曲頒獎典禮》中分別膺兩屆「最受歡迎男歌星」、三屆「亞太區最歡迎男歌星」,更摘下「金曲金獎」獎項,歌、視成績之佳令人羡慕,他喺2014年離開無綫,以1億天價加盟英皇成為新寵,主力發展影帝路。

同鄧智偉拍住上

據知,近年喺內地發展好掂,3年前更憑年賺逾2,800萬港元,登上福布斯中國名人榜第53位,林峯嘅志願變得更單大,唔係單做影帝咁單調,加上見其他藝人如香港嘅劉愷威、王祖藍及葉璇,台灣嘅吳奇隆等都自己搞公司,自立門戶已成大趨勢。林峯都不甘後人,打算同英皇滿約後,密謀自己當家作主,貪可擁有百分百話事權,自己捧自己外,更避免分佣,全程賺到盡。盛傳佢傾掂多年來合作無間嘅音樂人好友鄧智偉做拍檔,仲有意以用雄厚財力簽有「錢途」嘅藝人,而佢女友吳千語傳就係佢頭號目標,擺明要跟摯愛女友「峯語同路,有福同享。」

同英皇繼續合作

不過林峯與英皇縱使即將終止合約,仍會保持良好關係。好似早前林峯喺廣州舉行巡迴演唱會時,英皇為佢打造全廣州最大嘅四面舞台,仲加碼7位數字,為佢訂製太空機械吊臂,畀佢喺離地30呎嘅高空自由自由吊吊揈過空中飛人癮。林峯亦知英皇無論喺中、港或海外,人脈、資源俱佳,所謂「做生不如做熟」,英皇不失為佢最佳合作夥伴,不排除日後同舊公司有長遠合作計劃。

經理人霍汶希坦承林峯約滿在即,不再續約:「佢諗住自己做,佢想成立自己嘅工作室,但英皇依然同佢有好多合作,好似有幾部電影、電視劇,我哋之前幫佢主辦嘅世界巡迴演唱會都會繼續做,大家只不過轉咗一個合作形式。」

忙到冇拍拖都時間

另外,林峯忙到連拍拖都冇時間,就連去餐廳坐低食飯都冇,日前下午,戴Cap帽、穿短衫短褲嘅林峯喺灣仔健身室做完Gym,就獨自步出街頭上車,吩咐司機載佢到附近餐廳,快閃買咗盒雞飯外賣自己吔。反觀千語BB,日前工作後隨即換上波鞋同朋友去行街歎茶兼扮靚,未有即時回家陪男友。

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!