掃呢頁CODE去手機

2017年10月5日 星期四

譚俊彥:【獨家】譚俊彥傷手冇得抱Big爆朱晨麗 __,譚俊彥,朱晨麗,

譚俊彥整傷手照開工,真係要小心。藝人譚俊彥(Shaun)拍攝無綫劇《特技人》碌落山戲時,被玻璃鎅傷手要縫18針,他仍帶傷與着上貼身Tee大晒34D「B ...


譚俊彥整傷手照開工,真係要小心。


藝人譚俊彥(Shaun)拍攝無綫劇《特技人》碌落山戲時,被玻璃鎅傷手要縫18針,他仍帶傷與着上貼身Tee大晒34D「Big爆」上圍的朱晨麗,在堅尼地城繼續拍攝,Shaun左手手掌兩處傷口貼上膠布,並戴上透明手套以防感染。他透露一早就開工,幸好只是文戲,但有幕要抱起朱晨麗(朱朱)則要替身代勞,問到何以不停工休息?他說:「其實我受傷之後第一句係對唔住,我唔想阻大家拍攝時間,朱朱之後又要入另一套劇,所以今日我係唔會休息,都係皮外傷啫!(傷口仲有冇好痛?)縫針唔算痛,係打麻醉針嗰陣好痛,同埋要翻開傷口睇吓仲有冇玻璃碎,依家冇咩事喇!大場面已經拍完,但仲有由架車跌落地嘅戲,我仲有隻右手,冇問題!」

跟太太講對不起

Shaun表示最想跟太太說句對不起:「喺醫院都冇咩嘢,返到屋企佢見到我成身瘀晒,就開始喊,真係嚇親佢!對唔住!」他指父親狄龍及母親陶敏明都清楚拍動作戲受傷在所難免,狄龍當年更受過更重傷,Shaun說:「我係佢哋個仔,點都心痛,但知道演員係咁,趁後生仲可以衝吓。(所以冇後悔親身上陣?)拍出嚟好靚,係值得嘅,係唔好意思令大家擔心。(從影以來最重傷呢次?)唔係,試過甩骹。(就嚟煞科有冇得休息?)月中煞科,應該有得抖一個月,但依家專心工作埋佢先。」

朱晨麗讚硬漢子

朱晨麗則為拍檔Shaun受傷大感心痛,大讚對方是硬漢子,問有否照顧對方?她說:「佢咩都自己嚟,佢受傷好多嘢唔方便,例如着襪,我哋想幫佢,佢都話唔使,真係好堅強。」Shaun笑言多數自己照顧別人,不習慣被人照顧。


來源 source: http://hk.on.cc
鍾意就快D Share啦!