林作媽媽都冇咁好氣！
林作不做大律師後，瓣數甚多，除做補習天王，最近又簽了范振鋒的公司進軍幕前，原本很有財路，但林作昨日卻在社交平台驚爆媽咪王莉妮遇上經濟困難，要賣樓周轉！
靠酒精氹女
爆完媽咪料，林作再爆自己亦經濟拮据，自認已碌爆卡，為了50元而愁爆！他說：「原本想買英超直播，之前有個優惠200幾蚊，點知碌爆卡，過咗優惠期，依家要用貴Plan，畀多50蚊，好傷心。」他續說：「依家慳得就慳，車都唔揸，要靜靜雞上網賣名牌、手錶，連飯錢都要問朋友借。一星期三晚食漢堡包，大廈保安見到話我食包都話心痛。」林作認入不敷支，並列出不能剔除的花費，首位是飲食，因為酒精用來氹女仔，不能慳；第二位是訂製眼鏡，原因頭大要訂製，不能慳；第三位是供車。
拋名句唔認理財不善
雖然林作認大使，卻不認自己理財不善，亦不需要債務重組，更拋書包引用英國已故前首相邱吉爾的名句：「邱吉爾曾經講過，使費係唔應該控制，但如果因為使費增加，就要增加收入。」
林作單方面爆阿媽料，至於身在北京的林媽媽聞言表現激氣說：「衰仔，成日亂噏，當佢宣傳囉！間屋裝修好鍾意，唔會賣，其實一共有三層樓，兩母子使乜住咁多？豪宅冇人住，益咗個工人，建議不如將林作嗰間出租，佢落樓下同我住3,000呎，我嗰度有五間房，依家佢間屋日日得個工人住，林作又未結婚，咁先合乎經濟效益。（林作話自己好大使？）由佢噏，當佢宣傳。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
