熱爆娛樂: 【腸粉三兄弟】三弟係雙碩士林志穎五兄妹容貌晒冷 _

2017年10月24日星期二

【腸粉三兄弟】三弟係雙碩士林志穎五兄妹容貌晒冷 __,林志穎,

18歲出道嘅林志穎(小志)，一出道憑住靚仔五官，幾乎橫掃中、港、台。就連小志所生嘅3個囝囝，哥哥Kimi，孖仔Kyson同Jenson都遺傳咗老竇超強D.N.A.。

本身有五兄弟妹嘅小志，今日現身大哥林志杰嘅腸粉攤檔，本身聚集咗長長人龍嘅舖頭，就變得更墟冚。到下晝，39歲嘅林志穎三弟林志鑫，亦現身大哥嘅腸粉攤檔捧場，受訪時表示：「大家都很成功，我只是在後面留着鼻涕的弟弟，今天來給哥哥打氣。」

而噚日霸氣話「林志穎的哥哥就不能賣腸粉嗎？」嘅大佬林志杰，今日為咗照顧突如其來嘅食客，預先準備多啲食材，更規定人客買嘅份量。林志杰百忙中掏出身份證話：「我從小戶籍就在這！」據知林志杰身後呢棟樓正係爸爸留俾孩子嘅遺產，市價逾2千萬港幣，由兄弟妹共同持有。

其實，今日被踢爆開腸粉店嘅林志杰，舊年喺小志做嘉賓嘅大陸節目《熟悉的味道》已經曝過光，至於其他兄弟妹亦有現身節目。小志三弟林志鑫，本身擁有台大農業化學系、英國倫敦大學皇家哈洛威學院企管碩士同英國倫敦政經學院資訊管理碩士，學歷超強，畢業後從事建築界嘅佢，同哥哥一樣熱愛賽車。早前上清談節目做嘉賓，但講到明乜都可以講，淨係唔可以講哥哥(小志)，似乎係唔想叼哥哥光。

而除咗三弟林志鑫有啲啲小志嘅影子，四妹個樣呢，都算標緻！但大哥同五弟，就真係同小志大不同。(新聞連結：http://bit.ly/2zNf6Qv )

	林志穎同三弟林志鑫，今日都有到腸粉店撐大佬場。(網上圖片)	小志三弟林志鑫原來學歷超強。(《台灣蘋果》日報圖片)
(《台灣蘋果》日報圖片)	舊年大佬林志杰上節目時，個髮型好爆。(網上圖片)	三弟林志鑫(網上圖片)
四妹林志憶(網上圖片)	五弟林志龍(網上圖片)	小志對孖仔(網上圖片)