網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年10月13日 星期五

【唔愛又愛】應采兒爆小春小器又孤寒 第一眼就唔鍾意佢 __,小春,應采兒,陳小春,

陳小春近排同囝囝Jasper參加大陸真人騷《爸爸去哪兒5》(新聞連結:http://bit.ly/2i7nnKV),火爆鬧仔惹網友熱烈討論,加上喺網劇 ...


陳小春近排同囝囝Jasper參加大陸真人騷《爸爸去哪兒5》(新聞連結:http://bit.ly/2i7nnKV ),火爆鬧仔惹網友熱烈討論,加上喺網劇《反黑》擔正(新聞連結:http://bit.ly/2kJLcZV ),小春呢期人氣都幾高企。而小春同老婆應采兒嘅新聞都被翻炒,睇翻前年應采兒上大陸電視節目《超級訪問星星的故事》,應采兒就自爆最初認識陳小春就覺得佢好小器,而且第一眼見到佢就已經唔鍾意佢,完全唔係自己杯茶喎。

應采兒喺節目度話:「我看到他(小春)真人之後就不喜歡他,我們以前同公司,一看到他真人……」應采兒做咗個伸脷同作嘔表情,然後繼續講:「對他沒有感覺,很怪!」加上佢聽聞小春份人好小器:「那時候他出了名是孤寒,很小器,聽說他從來不請別人吃飯,然後不請工作人員喝東西。」然後再一次伸脷同作嘔。

不過小春後來開始追應采兒,性格竟然突變,應采兒至對佢改觀,覺得小春其實好大方。不過主持人問到佢覺得小春浪唔浪漫,應采兒就好肯定咁答:「他不浪漫!他想要給我任何浪漫都會被我破掉。」跟住開始講故事。

個故事發生喺佢同小春結婚大約1年之後,即係11年,亦即係陳小春同黎明拍電影《鴻門宴》嗰陣,當時有傳攝製隊被困山區冇晒消息,應采兒好擔心老公安危,佢咁講:「我的心撲通撲通地跳,然後我找不到他,微博也找不到,電話也找不到,然我就發微博了。」但係依然冇消息,應采兒愈嚟愈心急:「那個時候就沒有辦法,只能找黎明的前妻(當時黎明老婆係樂基兒),我給她發訊息我老公在不在?」樂基兒就話黎明已經返咗屋企,原來小春亦一早離開咗劇組,唔出聲係想畀個驚喜應采兒喎,咁大整蠱呀!但係應采兒得到嘅唔係驚喜,而係懷疑老公出軌,應采兒話:「中間我很生氣,第一個反應就是他去了那裡?他去哪裡鬼混了?」至於小春返到屋企有冇被老婆鬧就冇講喇!但係應采兒就叫老公唔好再俾驚喜佢,而且仲要喺手機set埋定位以防佢再失蹤,係咪攞嚟衰呢?



應采兒爆小春唔識浪漫。(網上截圖) 原來陳小春最初畀應采兒嘅感覺係好小器。(網上截圖)
小春同囝囝參加真人騷《爸爸去哪兒5》。 小春新劇《反黑》近日網上播放。 11年小春同黎明拍電影《鴻門宴》一度傳出攝製隊被困山區,好彩冇事。
應采兒同陳小春喺10年結婚。

鍾意就快D Share啦!