蘇麗珊同袁澧林今晚喺中環出席服裝品牌活動，早前蘇麗珊被影到有新男朋友拍拖（新聞連結： http://bit.ly/2yg6LHk ），佢大方承認戀情已經拍拖半年，兩人喺朋友介紹下認識，年紀相約，當日放假就約埋一齊食飯。男友喺外國長大、讀書，原來男友仲有個好勁嘅名，蘇麗珊話：「之前佢拎我電話寫自己名係Brad Pitt（畢彼特），仲下載對方既相片，佢每次打嚟都係呢個名。」蘇麗珊當日同男友喺扶手電梯落嚟，見到男友幫佢搓肚仔，今日佢就摸住肚仔話原來男友都有肚腩。
蜜運中嘅蘇麗珊指男友係圈外人，想低調處理故不願透露太多，不過佢話已見過對方家長：「有去佢屋企食飯同佢家人見面，唔係特登，大家認識下。」愛得低調出街拍拖盡量少親密動作，避免親咀。將會參加渣打馬拉松嘅佢，對於有參賽者指被盜用信用卡，佢話唔擔心，指大會會保密。
| 蘇麗珊話男友喺電話到叫Brad Pitt。（攝影：張俊銘） | | |
| | |
來源 source: http://hk.apple.nextmedia.com
|
鍾意就快D Share啦！
|
|
|
