掃呢頁CODE去手機

2017年10月8日 星期日

龔慈恩:龔慈恩內地爆紅 唔排除返無綫拍劇 __,無綫,龔慈恩,

佢話返無綫拍劇要睇劇本、角色同對手!龔慈恩有份主演的內地劇《那年花開月正圓》近日熱播,內地點擊率已破80億!她於戲中的角色備受注視,引起網民搜尋她的演 ...


佢話返無綫拍劇要睇劇本、角色同對手!


龔慈恩有份主演的內地劇《那年花開月正圓》近日熱播,內地點擊率已破80億!她於戲中的角色備受注視,引起網民搜尋她的演出經歷。她指內地觀眾早在90年代於劇集認識她,但今次的角色有另一種感覺,令觀眾十分喜歡。近年於內地拍劇的她,被問到會否再拍無綫劇集,龔慈恩坦言要睇劇本和對手等因素才考慮。

拍攝耗時9個月

改篇自真人真事的內地劇集《那年花開月正圓》近日熱播,講述清末陝西一個非常出名的女首富周瑩的故事。於片中飾演張晨光妻子「鄭氏」的龔慈恩透露拍攝時有吳家和周瑩的後人前來給予意見及講解當年的情況。她稱今次用了九個月時間拍攝,期間到不同地方取景,其中無錫是她最喜歡的一個城市。

與劇組合作愉快

首次與飾演「周瑩」的孫儷合作,龔慈恩指二人亦有較多對手戲,她解釋說:「原本嫁入係胡杏兒,但孫儷喺一次陰差陽錯下,佢嫁咗入嚟我哋屋企,佢角色係一個好豪爽嘅賣藝女孩子。之後我老爺同個仔都死埋,佢會將我哋屋企再次興起。」她指孫儷現實是個性格開朗的陽光女孩:「佢喺片場成日都笑到好開心,但一嗌action就非常認真。」她指今次製作團體隊非常認真和專業,導演對每個角色都好嚴謹,每個角色基本上都非常到位。她又透露與何潤東都是首次合作,大讚對方是一名超級暖男,亦謂他的戲份非常搶鏡。

認真揣摩角色

對於劇集於內地的成績理想,令她再次備受內地網民關注,她說:「我諗內地嘅朋友認識我,係因為90年代喺內地拍嘅電視劇《雪山飛狐》同《雪花神劍》,呢兩部此較深刻,兩個角色係好唔同性格。(今次被人起底覺驚訝?)可能佢哋覺得今次角色比較有一個傳統感覺,我揣摩呢個角色時都研究佢個背景。事實上嗰個年代女性好深閨,足不出戶,甚至以前有一句「女子無才便是德」。」龔慈恩坦言有留言網上的反應,有很多網友都十分喜歡。

畀仔女自由發展

剛完成邵氏網劇《飛虎極戰》的龔慈恩,笑言可以與多名靚仔合作。她坦言已有一段較長時間沒有拍無綫劇:「我呢幾年都拍內地劇比較多。(無綫有冇搵你?)我諗要睇劇本、角色同對手。」至於會否讓子女入娛樂圈,她指女兒林愷鈴今年剛入大學:「睇佢意願,佢都好鍾意藝術,多數都會向藝術方面發展。我成日同佢講做好目前本份盡自己能力。天父會有安排,慢慢會更加清晰。所以佢都好勤力讀書。」


來源 source: http://hk.on.cc
鍾意就快D Share啦!