熱爆娛樂: 【贏在港姐冠軍】劉倩婷林敏俐兩老表星途相近劉慧蘊一卸任即閃 _

2017年10月17日星期二

【贏在港姐冠軍】劉倩婷林敏俐兩老表星途相近劉慧蘊一卸任即閃 __,劉倩婷,林敏俐,港姐,

港姐，從前係一個標誌，美貌與智慧並重，好多跟住加入娛樂圈嘅，都發光發亮，有啲就算嫁作人妻，或移居外地後，都仲係keep得好好，啲觀眾見到都一定認得。

不過，世事無絕對，偏偏近年出現唔少明明選咗係（嗰一屆中）最標緻嗰個，但星途都係麻麻過麻麻，提起個名，界乎喺有啲印象、但又諗唔到有咩代表作咁……其實有啲尷尬。

好似2002年度港姐冠軍林敏俐咁，當年喺美國以海外佳麗身份參加比賽，一口氣奪走冠軍、國際親善小姐同新世代美態小姐獎，同時佢再代表香港出戰2003年國際華裔小姐，攞到亞軍。佢當選後參演過《美麗在望》同《追魂交易》兩套大台劇，亦參與過大台大型節目主持，不過，好快佢就消失於娛樂圈，有指當年佢係休學來港選美，所以喺香港娛樂圈發展咗一排，有感唔想浪費之前嘅心血同父母期望，所以返美繼續學業。

無獨有偶，林敏俐個表妹劉倩婷，係2009年港姐冠軍，雖然劉倩婷嘅知名度同曝光率感覺上比林敏俐高，但實際上，佢都係拍過兩套大台劇，係綜藝節目上比林敏俐多啲，以及佢最為人知係同堪輿學家李丞責拍拖結婚生仔，所以名氣好似相對地高少少咁樣。

而早劉倩婷一年、2008年港姐冠軍張舒雅，可算係「最撈唔起」嘅港姐，皆因佢當選後冇幾耐就傳出負面新聞，無法跟足傳統參與華姐，其後更因其態度，被喻為「最hea港姐」，被寸工作態度馬虎及懶散。後來佢同大台冇合約在身後，轉向模特兒界發展。

另外，好似2000年港姐冠軍劉慧蘊咁，當年同時獲得最上鏡小姐、國際親善小姐、最具新世紀風采小姐，及2001年度國際中華小姐競選季軍，贏到開巷！不過佢同同屆嘅亞軍簡佩堅及季軍劉嘉慧一樣喺卸任港姐後就退出娛樂圈，喺大台見到佢嘅節目，除咗港姐，就幾乎只有2000年悉尼奧運。

（資料圖片）	林敏俐當選後，獲「六叔」邵逸夫親自頒獎。	林敏俐後來決定返美進修（資料圖片）
林敏俐（左二）離港，獲同屆的鐘子淇（左）及左慧琪（右二）到機場送行。（資料圖片）	2009年度香港小姐冠軍劉倩婷（中）、亞軍熊穎詩（左）、季軍李姿敏。（資料圖片）	劉倩婷後來嫁咗俾李丞責，兩人育有一女。
張舒雅當選2008年度港姐冠軍，獲父母上台吻賀。（資料圖片）	張舒雅喺大台出現得唔多，但台慶時有份陪六叔現身。（資料圖片）	張舒雅絕迹娛圈，但社交場合都仲會見到佢。（資料圖片）
劉慧蘊係2000年港姐冠軍（資料圖片）	有份參演過悉尼奧運主持（資料圖片）	亦有上過綜藝節目《一筆OUT消》慧妍雅集版（資料圖片）