掃呢頁CODE去手機

2017年10月2日 星期一

【驚整唔見】王浩信堅持唔戴婚戒指 __,王浩信,

王浩信雖然冇戴上婚戒,但就力證同太太陳自瑤感情冇變。藝人王浩信到尖沙咀出席活動,除獻唱兩曲,又與現場觀眾玩遊戲,以奶樽模擬揸牛奶,場面有趣!自爆花名「 ...


王浩信雖然冇戴上婚戒,但就力證同太太陳自瑤感情冇變。


藝人王浩信到尖沙咀出席活動,除獻唱兩曲,又與現場觀眾玩遊戲,以奶樽模擬揸牛奶,場面有趣!

自爆花名「肥皂」

王浩信提到早年做歌手時被電台DJ起花名,他說:「起初我唔鍾意『Signal Wong』呢個名,感覺好似當咗我係一部手機咁,後來覺得有一個大家都鍾意嘅花名都幾好!試過以前有個同學改我個花名做『肥皂』,我都唔知點解咁改!」

恨攞視帝

被問到是否想再出碟做歌手?他說:「因為依家嘅工作多數係拍劇,如果要花半年時間去做隻碟,可能未必得。好似依家咁我唱番主題曲,都係幾好嘅安排,或者睇吓公司安唔安排到唱歌工作。(攞埋視帝再做歌手?)希望今年會有意外驚喜,但係唔會以獎項做最大目標,觀眾鍾意,我就當攞咗!」

力撐婚姻冇問題

對於早前被傳婚變,王浩信表示與太太陳自瑤關係不受影響,他說:「其實一路好正常,所以都唔講咁多,亦都希望大家唔需要擔心。(你今日冇戴結婚戒指?)做嘢時我唔戴,唔見咗仲大鑊。(串喺條鏈度戴喺身?)我諗我唔會因為依家啲唔啱嘅嘢,去改變自己嘅生活方式。(有冇同傳緋聞嘅蔡思貝聯絡?)冇,係開工先會有聯絡。」


來源 source: http://hk.on.cc
鍾意就快D Share啦!