掃呢頁CODE去手機

2017年10月12日 星期四

成功上車!姚子羚揭胡定欣疑似好事近 __,定欣,姚子羚,胡定欣,

姚子羚爆胡定欣(圓圖)是最有可能有喜事的嫌疑人物。藝人姚子羚以隱約露腰的連身裙出席活動。由於「胡說八道會」被爆就快有人結婚,當記者上前恭喜她時,她即笑 ...


姚子羚爆胡定欣(圓圖)是最有可能有喜事的嫌疑人物。


藝人姚子羚以隱約露腰的連身裙出席活動。由於「胡說八道會」被爆就快有人結婚,當記者上前恭喜她時,她即笑言:「仲以為恭喜我買咗樓。(你買樓係咪為咗結婚?)邊有女仔自己買樓嚟結婚㗎?唔係,一直都想置業,但樓價好貴,自己都儲咗好耐錢,屋企人都有份夾錢。(同屋企人一齊住?)未決定,因為我都想有自己空間,睇吓屋企人決定,同埋都未咁快,要2019年先入伙,依家努力做嘢供樓。」

渴望擁有私人空間

問何時結婚?姚子羚笑言未有打算,明年工作亦已排好了,稍後亦要到橫店及新疆拍攝《包青天》劇集,至於在「胡說八道會」誰將披嫁衣,坦言甚麼都不知道:「唔係我,你哋可以問吓其他人,睇吓胡定欣呢排有冇艷遇。」

講到胡定欣日前受負評在網上發表長文反擊網民,子羚代好友解畫:「佢唔係鬧,只係表達自己諗法,今次應該過咗定欣嘅底線,我哋呢班人太Friend,有互相嘅暱稱,變咗大家可能會誤會咗『老公老婆』嘅叫法,但只係暱稱,大家多咗言論時可能定欣唔舒服,希望大家畀番私人空間我哋。(你有冇安慰佢?佢搵你訴苦?)我都有問佢係咪OK,佢話OK,可能未必係一件事,可能係一直以嚟嘅事,但今次就引起佢唔舒服,所以適當時係需要少少回應。」

胡杏兒BB已經改名

講到快將生B的胡杏兒,她笑言:「對上一次見佢係6個女仔一齊影相,影嗰陣都好驚佢突然要生都唔知點算,嗰日影相都同Baby Lee(胡杏兒丈夫李乘德、Philip) 講『你生性,等我哋影埋相先好出世』,佢都好乖,我哋都好期待快啲見到Baby Lee,同埋佢已經有名㗎喇,你哋下次可以問杏兒。」


來源 source: http://hk.on.cc
鍾意就快D Share啦!