2017年10月31日 星期二

【母女心有靈犀?】卓林孖女友快閃超巿 走橫門掃雪糕 __,卓林,吳綺莉,吳卓林,

吳綺莉報警話屋企失竊(新聞連結:http://bit.ly/2xxW8Mq),疑為女兒卓林返屋企攞走物品引發誤會。吳綺莉下晝6點離家落跑馬地買雪糕(新 ...




吳綺莉報警話屋企失竊(新聞連結: http://bit.ly/2xxW8Mq ),疑為女兒卓林返屋企攞走物品引發誤會。吳綺莉下晝6點離家落跑馬地買雪糕(新聞連結: http://bit.ly/2gO86e5 ),而卓林就喺今晚7點半左右,與外籍女友Andi一同離開北角寓所,原來佢哋又係去買雪糕。

今晚大約7點半左右,卓林同外籍女友離開寓所大廈,點知見門外有記者守候,立即返回電梯大堂,然後見佢同看更講嘢,後來看更教路由另一門口離開大廈。約10分鐘後,卓林從橫門離開,佢同女友小心「睇水」,見門外冇記者狀甚開心,更四圍望,但佢哋唔知記者只係閃埋一邊,然後卓林與女友快步前往超巿。

卓林同女友入超巿後,前往雪糕櫃揀雪糕,搵到兩盒雪糕後準備離開,此時卓林發現記者,又再匿埋,由女友負責埋單。5分鐘後,卓林與女友快步離開,對於記者所有的提問,均不予回應。

(採訪、攝影:梁繼光、羅德光) 卓林同女友Andi一齊離開寓所,去到附近超市買雪糕。

由Andi負責埋單,卓林就行咗入超市。



離開時卓林冇回應記者提問。


鍾意就快D Share啦!
Related Posts Plugin for WordPress, Blogger...