2017年10月2日 星期一

洪朝豐疑患脷癌 立遺囑向子交代身後事 __,癌,洪朝豐,

祝早日康復!前DJ洪朝豐患抑鬱狂躁症多年,近年靠藥物治療令病情受到控制,生活回復正軌,不過突然傳出他疑患脷癌的消息!他接受東網專訪時,透露舌頭發炎逾一 ...


祝早日康復!


前DJ洪朝豐患抑鬱狂躁症多年,近年靠藥物治療令病情受到控制,生活回復正軌,不過突然傳出他疑患脷癌的消息!他接受東網專訪時,透露舌頭發炎逾一年,經治療後未有好轉,3個月前他在精神科醫生轉介下去看耳鼻喉專科:「條脷愈嚟愈痛,照鏡睇到有膿,範圍又唔係細,我覺得唔尋常!之後醫生幫我做切片檢查,2個月前報告就話冇癌細胞,但係細胞病變嘅第二期,如果去到第三期就係癌病。」第一次切片檢查後,他的傷口愈合得很好,但很快就再次被黃色的膿覆蓋:「醫生發現發炎嘅地方仲大咗,我都發現感染嘅範圍除咗脷底,同黐住脷底嘅部分牙肉外,脷面都開始痛,佢就建議我做第二次切片手術。」雖然10月16日才出報告,但他指已作最壞打算是脷癌。

驚痛又驚冇得食

問到可會驚死?洪朝豐坦言:「唔會!反正人都會死,我3個月後都58歲啦,又冇乜嘢未做過,生活閱歷都幾多,留戀嘅地方都會有,係愛囉!包括親人同朋友。」又指反而最驚痛及不能進食:「我依家食軟嘅嘢都痛,如果成條脷都發炎點食嘢呢?如果冇得醫,去到最後又會好辛苦。」不過他表示不會「睇唔開」:「我唔會自殺。」

想重返電台開咪

他謂已向身在英國的兒子交低身後事,稍後會去立遺囑:「當你同個仔講呢啲嘢嘅時候好怪異,但佢好尊重我所有決定,佢表面好冷靜,但都傷心嘅。我都有同佢講,假設有日我離開呢個世界,我最唔捨得嘅就係佢,佢係我最親嘅人。(有咩想同佢講?)三個字,『我愛你』,平時好少機會講。」他亦指希望在病情惡化之前,可以重返做電台DJ,以自己的人生閱歷的幫助他人:「我唔知我把聲仲可以維持幾耐,趁我仲有一把靚聲,點解唔發揮吓佢。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...