掃呢頁CODE去手機

2017年10月11日 星期三

李天翔簽字做老襯 自爆結婚程序錯晒 __,李天翔,

李天翔自爆結婚程序做錯晒。剛與拍拖六年的女友譚寶怡拉埋天窗的藝人李天翔,與好友鄭世豪現身中環,剛完成簽紙儀式的他大晒婚戒,太太為保持低調未有受訪,天翔 ...


李天翔自爆結婚程序做錯晒。


剛與拍拖六年的女友譚寶怡拉埋天窗的藝人李天翔,與好友鄭世豪現身中環,剛完成簽紙儀式的他大晒婚戒,太太為保持低調未有受訪,天翔透露剛完成簽字儀式正式成為「老襯」:「都好簡單咁同喺雙方家長面前簽紙,今晚就冇節目喇,只係就律師時間,過大禮都係幾日前嘅事,聽講呢幾日都係好日。今日讚未來新抱溫柔,我哋去咗女家斟完茶就上咗律師樓,正常好似係去男家、女家再上律師樓(有冇喊?)太太有,我自己就冇,反而係求婚時有喊。」

未有造人計劃

講到二人急急結婚,問到是否雙喜臨門?李天翔笑說:「都算急嘅,結婚都係籌備兩三個月,都係搵律師,佢畀呢個日期我。(有造人計劃?)暫時未,因為我哋都係冇乜耐性嘅人。(放假度蜜月?)嚟緊會去沖繩,婚紗相都會影埋,仲Book咗間教堂行禮,暫時只安排屋企人,圈中朋友鄭世豪、黃嘉樂都有通知,但佢哋未知時間,有時間會買機票嚟,香港就唔會補擺。」


來源 source: http://hk.on.cc
鍾意就快D Share啦!