掃呢頁CODE去手機

2017年10月14日 星期六

【識咗三個月】阿嬌避談有冇「私家夜診」 爆婦科醫生男友想結婚 __,阿嬌,鍾欣潼,

蜜運中嘅Twins今日到馬鞍山舉行唱片簽名會,同fans玩遊戲,兩人台上被問到依家嘅感情生活觀,佢哋都異口同聲話「好開心!」最近承認同來台灣嘅「醫學界 ...


蜜運中嘅Twins今日到馬鞍山舉行唱片簽名會,同fans玩遊戲,兩人台上被問到依家嘅感情生活觀,佢哋都異口同聲話「好開心!」

最近承認同來台灣嘅「醫學界王陽明」賴弘國拍拖嘅阿嬌笑容特別多,佢話男友依家唔喺香港,應該在杭州工作,成日周圍飛:「佢會organize個schedule就我啲期,會編近啲香港,佢嘅行程冇人會忍受到,車程飛機好密,會好攰,佢堅持到好勁。」阿嬌仲甜絲絲咁話,男友為咗見佢,犧牲好大。

未必常能見面,問到醫生男友會否私家「夜診」?阿Sa聞言即反問:「係咪是夜訪?」

阿嬌話:「佢係醫學美容醫生,我唔需要,而且我有另一個(公司)代言。」又話:「唔通養狗唔可以嫁獸醫咩?」咁其實賴弘國除咗係醫學美容醫生,仲係婦科醫生嚟0架…(新聞連結: http://bit.ly/2z79eR5 )

阿嬌話,大家識咗約三個月,拍拖唔耐,總之依家開心就夠:「等佢財政成熟啲先(結婚),等我唔使捱苦,佢話唔想我做嘢。」阿Sa笑謂要阿嬌養埋自己。至於男友是否已視為太太?佢笑笑口話:「唔知,你哋搵王陽明問下,佢哋咁似樣。」咁婚後會否定居台灣?阿嬌笑稱言之尚早,怕戀情見光死:「講講下就冇,冇諗過咁快俾人知,咁快知好易冇。」阿Sa連聲touch wood掂木避忌。

攝影:陳俊強 阿嬌平時冷若冷霜,你有幾耐冇見過表情多多嘅佢? 真心大笑
呢個表情好似講緊是非咁… 仲唔係兩個女人一個墟?

阿嬌,你要笑多啲! 女仔都可以格劍0架






鍾意就快D Share啦!