掃呢頁CODE去手機

2017年10月19日 星期四

榮升網民視帝感觸 王浩信隔空鼓勵囡囡考小學 __,王浩信,

榮升網民視帝感觸王浩信隔空鼓勵囡囡考小學娛樂要聞【爆相爆片】現年34歲的王浩信和老婆陳自瑤(YoYo)屢傳婚姻現暗湧,日前兩人孖咇出活動搵真銀闢謠,王 ...




榮升網民視帝感觸

王浩信隔空鼓勵囡囡考小學

娛樂要聞








【爆相爆片】

現年34歲的王浩信和老婆陳自瑤(YoYo)屢傳婚姻現暗湧,日前兩人孖咇出活動搵真銀闢謠,王浩信為息風波更事先張揚會陪囡囡面試小學。然而,事實卻是另一回事,大前日YoYo單拖湊女去土瓜灣直資學校面試,在這個重要的日子,身為父親兼老公的王浩信竟然無影無蹤,只隔空鼓勵囡囡考小學!



陳自瑤大前日單拖帶囡囡去面試,曾事先張揚會陪同的王浩信卻冇影。讀者提供圖片

下月11日是王浩信和陳自瑤的結婚6周年紀念,當年兩人奉女成婚,YoYo嫁給細自己兩年的王浩信,女兒靖喬現在已經5歲。近年王浩信事業起飛成為新一代「師奶殺手」,更有機問鼎無綫視帝,惟因工作忽略了家庭,加上傳跟蔡思貝「開房」打邊爐。上周兩公婆孖住出活動闢謠,王浩信更預告會陪囡囡面試小一,但大前日讀者Ricky透過《蘋果》「爆相爆片」,直擊只有YoYo一個人湊女面試。





王浩信昨日承認因工作忙,未能陪囡囡去面試,再次許諾第二輪面試一定到。



王浩信上周孖老婆陳自瑤出活動搵真銀兼闢謠。資料圖片

網上貼圖撲火

讀者在電話表示,大前日早上11時在土瓜灣一家小學門外遇見YoYo母女,但老公王浩信就唔見影。戴黑超的YoYo神情嚴肅,讀者說:「見唔到王浩信呀,佢哋喺門口等咗15分鐘左右,全程冇乜點笑。其實我都唔係第一次見到佢哋,幾個月前喺將軍澳一間學校都見過佢哋,嗰次都係見唔到王浩信。」

對於沒有陪囡囡去面試,前日王浩信回覆傳媒解釋因要開工,所以由太太帶囡囡去面試:「啱啱同佢哋去咗個短程旅行,一有時間就陪番佢哋多啲不過都希望其他讀者唔好偷影小朋友,唔想影響佢返學,唔該晒!亦多謝大家關心!」採訪:嵐山、羅慧敏

攝影:沈健程




鍾意就快D Share啦!