掃呢頁CODE去手機

2017年10月13日 星期五

【廿個紅星走剩幾多?】徐子珊鄧萃雯同舅父輪住走 王祖藍「經理人之父」夢斷 __,祖藍,徐子珊,鄧萃雯,子珊,王祖藍,

矮仔係咪多計?望望王祖藍可能會略知一二,近年喺大陸積極拓展版圖嘅王祖藍,除咗密密做綜藝節目真人騷,努力賺人仔外,雄心萬丈嘅佢,更同邵氏合作組經理人公司 ...


矮仔係咪多計?望望王祖藍可能會略知一二,近年喺大陸積極拓展版圖嘅王祖藍,除咗密密做綜藝節目真人騷,努力賺人仔外,雄心萬丈嘅佢,更同邵氏合作組經理人公司「手工藝」,一接就接咗20個藝人,開記招當日,企正中間嘅王祖藍,係威係勢,十足娛樂大亨咁款。(新聞連結:http://bit.ly/2yiC0Rg )

不過,「手工藝」開業僅一年,即多次傳出旗下藝人怨聲載道,有報道指王祖藍當初同徐子珊簽約,曾承諾會開戲俾佢,但最終電影開唔成,子珊對此有微言,更扭計要放一個月大假。(新聞連結:http://bit.ly/2yiYIJh )

至於同樣係「手工藝」藝人嘅鄧萃雯,亦指自己唔適合做綜藝節目,反而想拍番廣東話劇本嘅電視劇,最終佢同王祖藍就「和平分手」咗。(新聞連結:http://bit.ly/2kICaMZ )而祖藍接受傳媒訪問時,亦直認話唔想同雯女冇朋友做,所以決定放手,祖藍接受訪問時,亦預計陸續有藝人離場。

青春有限,靠樣搵食嘅藝人輪住走,今日有報道指除咗徐子珊、鄧萃雯外,仲有黎瑞恩(小恩子),有指王祖藍曾講過話幫小恩子出碟同開演唱會,結果講咗成年,承諾都冇乜着落,為免再嘥時間,所以最終止蝕離場。

至於同王祖藍一齊打江山嘅副總裁舅父冼偉智(Tony),有指亦因為同日漸心雄嘅王祖藍,意見出現分歧,所以都遞埋信劈炮唔撈,就連祖藍媽咪都有出面做和事佬,不過最後都搞唔掂。

《蘋果》亦有搵過祖藍同佢舅父Tong了解,祖藍就話:「多謝佢哋幫《老表》宣傳啦,其他嘢就唔回應喇。」而Tony就未有回覆。

舊年王祖藍開工作室,一眾旗下 藝人晒冷,企喺中間嘅王祖藍意氣風發。(資料圖片) 王祖藍同李亞男。(資料圖片) (資料圖片)
鄧萃雯走。(資料圖片) 徐子珊扭計。(資料圖片) 舅父冼偉智劈炮。(資料圖片)

鍾意就快D Share啦!