王浩信又惹緋聞，今次女主角係陳偉琪。
藝人王浩信出席活動，品牌送他一個刻上太太陳自瑤（Yoyo）英文名的手袋，問會否送給Yoyo，他說：「送手袋都係借花敬佛，想抽時間陪佢，不過我忙緊拍劇都理解。（佢鍾意手袋？）佢唔係太鍾意，平時都唔希望我送，甚至會反感，因為有時唔啱色同覺得唔實際。」王浩信直言平時甚麼都會送給太太，但希望在財政及精神上多點支持她：「佢照顧小朋友都辛苦，雖然我哋財政獨立，但我唔介意畀佢管。（佢係咪好慳家？）係，佢聲稱自己係智慧女神。」
對於有報道指他與「無綫咪神」陳偉琪有染，王浩信直言：「我唔知佢係邊個，唔識呢個女仔，希望大家唔好傷害其他人。（拍《溏心3》合作過？）佢應該唔係我條線，冇同場合作過。（係生安白造？）我覺得傳媒寫我多人睇OK，但唔好傷害其他人。（好多桃花？）希望桃花可以轉為Fans力量，呢件事都無中生有，喺呢行咁耐我明白，但唔好傷害其他人。（唔使解畫？）唔使」
王浩信表示近排要為女兒入小學面試作準備：「要度期，第二輪面試要父母一齊去，要表達最基本誠意畀學校，要互相配合，希望兼顧到工作同小朋友嘅嘢。」
來源 source: http://hk.on.cc
|
鍾意就快D Share啦！
|
|
|
