2017年10月19日 星期四

自爆拍魔法王多病痛 阿Bob最想被變走 __,阿B,林盛斌,Bob,鍾鎮濤,

阿Bob自爆拍魔法王身體總係有啲事,尤其係經常失聲。魔術師甄澤權(Louis)於今輯無綫節目《終極街頭魔法王》中,一如以往,有很多令人嘆為觀止的魔術, ...


阿Bob自爆拍魔法王身體總係有啲事,尤其係經常失聲。


魔術師甄澤權(Louis)於今輯無綫節目《終極街頭魔法王》中,一如以往,有很多令人嘆為觀止的魔術,當中Louis最喜歡的,是一個花了五年時間研究的變金魚魔術,他謂:「呢個魔術唔係變幾條,而係徒手變幾百條出嚟,我第一輯已經想做,但一直都諗唔到點做,直至今輯第五輯先研發到。」節目主持之一嘅林盛斌則直言今次節目,他最喜歡的魔術便是將發票變真銀紙,他謂:「因為變完之後,好多街坊攞啲發票出嚟想變番錢,個感覺好真性情,大家都好親切。」

五輯的魔法王節目,Louis都同林盛斌做拍檔,問阿Bob若果可以請Louis變走一啲主持,佢最想Louis幫佢變走邊個?阿Bob表示:「梗係變走我,因為拍呢幾輯,我身體都總係有啲事,好似前年個輯咁,直頭拍拍下因為扁桃腺發炎、病毒感染,入咗醫院,失聲就更加經常出現,可能我太鍾意呢個節目,因為呢個節目實在帶畀唔同年齡層嘅朋友好多嘅歡樂,小朋友覺得得意,大人鍾意睇破綻,睇得好開心,令我做得好有動力,拍呢個節目更加投入,好多時會好用力咁去畀反應又或者叫觀眾畀反應,再加上拍攝既時間比較密,有時又會日曬雨淋,所以,每次拍完呢個節目返屋企都好攰,不過,當然我希望繼續做啦,因為我好鍾意做一啲畀到歡樂大家嘅節目。」

場地提供:海港畫廊


來源 source: http://hk.on.cc
鍾意就快D Share啦!
Related Posts Plugin for WordPress, Blogger...