掃呢頁CODE去手機

2017年10月18日 星期三

歐聯:【C朗哈神冇符】門神勁到癲 皇馬熱刺和波 __,C朗,基斯坦奴朗拿度,

(GettyImages)睇歐聯官方精華,就知兩個門將有幾勁:http://uefa.to/2gOGHZP 歐聯H組強強對碰,皇馬主場迎戰熱刺。銀河艦 ...


(Getty Images)


睇歐聯官方精華,就知兩個門將有幾勁:http://uefa.to/2gOGHZP 

歐聯H組強強對碰,皇馬主場迎戰熱刺。銀河艦隊於巴拿貝全場主動,C朗、賓施馬、艾斯高三叉戟搏到盡表現出色,但面對防守一流嘅熱刺,生波始終攻唔入,門將洛里斯數度神救,如非主隊獲得12碼,有力保持清白;皇馬門將基羅拿華斯亦有料到,兩度撲出哈利卡尼及基斯甸艾歷臣嘅必入波,但華拉尼烏龍波太刁鑽始終救唔到,最終雙方打成1:1平手,各得1分。

銀河艦隊今仗強陣出擊,開波冇耐C朗頂中楣,繼後佢被敵衞重重包圍下一抽,但就僅僅出界。熱刺後防今仗有料到,以維頓漢頭頂腳踢解圍最為犀利,力足同皇馬抗衡。28分鐘,熱刺憑一次反擊先開紀錄,奧里亞右路扯個急勁波入禁區,哈利卡尼趕到後腳射唔應個波,點知皮球省正華拉尼隻腳彈入網,熱刺憑個烏龍波領先1:0。繼後奧利亞禁區外施冷箭,好彩基羅拿華斯非常集中精神撲出底線。皇馬之後圍攻之下終有收穫,賓施馬同卻奧斯於禁區頂眉來眼去,後者欲射門卻被奧利亞鏟跌,C朗勁射12碼搞掂,半場雙方打成1:1。

換邊後皇馬依然攻得勁,53分鐘賓施馬接應隊友靚傳,近門一頂睇怕搞掂,點知過唔到洛里斯隻腳,熱刺咁都唔輸堅係球迷奇遇記。主隊之後攻得更勁,王牌C朗62分鐘於右路走到空位狂抽近柱,但又過唔到洛里斯;3分鐘後C朗左腳遠射,又成洛里斯表演時間撲走皮球。之後輪到皇馬門神基羅拿華斯表演,70分鐘哈利卡尼空晒,於禁區右腳射遠柱,點知畀拿華斯被飛身撲出,3分鐘後洛蘭迪嚟個靚二傳,基斯甸艾歷臣走到靚位勁射近柱,又被拿華斯反應勁快救出底線。兩軍門將勁成咁,雙方下半場無法入波,最終打成平手。

今場打和對雙方冇乜影響,事關多蒙特作客尼科西亞,竟然只能打和1:1,目前3戰過後,皇馬及熱刺依然領先多蒙特6分,出線形勢大好。

即上英超刨績王:http://win.on.cc/epl 

東網體育同你追實體壇每個精彩時刻! 

http://bit.ly/2ecTF2A 


來源 source: http://hk.on.cc
鍾意就快D Share啦!