掃呢頁CODE去手機

2017年10月14日 星期六

【明明門當戶對...】拍拖一年唔夠即分手 何猷君同富家女友Coco玩完 __,猷君,Coco,何猷君,

賭王四房大仔何猷亨就同舊愛「宅男女神」陳瀅國慶日睇煙花,仲睇到甜蜜蜜笑笑口望住對方,係唔係翻撻?兩位當事人就未有表態,大家解讀佢哋身體語言吧。陳瀅噚晚 ...


賭王四房大仔何猷亨就同舊愛「宅男女神」陳瀅國慶日睇煙花,仲睇到甜蜜蜜笑笑口望住對方,係唔係翻撻?兩位當事人就未有表態,大家解讀佢哋身體語言吧。陳瀅噚晚就出時裝活動就春風滿面心情靚,笑笑口話同猷亨無復合無拍拖,仲係單身。

猷亨就疑似再封盤,佢嗰MIT數學天才細佬何猷君,就同少女標本成員袁紫橋(Coco)數數手指都拍拖就快一年,當時已火速帶埋女友去見四太,兩口子唔係被傳媒影到拍拖,就喺Ig放閃,不過最近二人就好耐冇動靜,本報就發現猷君Ig嘅追隨者入面,unfollow咗Coco,仲刪走咗佢哋嘅相,好似之前同大馬有米千金華倫世亞班主女Kimmy Lim分手一樣嘅「分手兩步曲」,而Coco就仲有follow猷君,不過近月就冇乜佢晒甜蜜嘅相,只係狂post佢一個人做吓運動嘅相。

《蘋果》就搵過猷君問點解unfollow咗Coco同刪走相,佢大方直認已分手:「其實都唔使隱藏,你哋都捉到,兩個人係分開咗嘅,我哋係分咗手嘅。」再問佢分手咗幾耐,同咩分手原因,佢就話:「我哋都分開咗個、兩個月,具體時間我覺得唔須要透露,仲知就分開咗,分手原因有好多,都比較私人,同尊重女方,唔提太多,希望大家明白。」

估唔到佢哋一年唔夠就分手,記得舊年萬聖節仲玩cosplay扮《Suicide Squad》嘅小丑同小丑女,點知咁快就分手,問到邊個提出分手,猷君就表示係和平分手:「分手都可以做朋友,呢句說話係真。」再問佢點解要刪走晒咗所有相,佢話:「既然分開咗,唔應該眷戀之前回憶,所以張啲相delete咗,冇話邊個提出分手既,兩個人係埋一齊若然見到終點咪分開,無話邊個提出分。」最後,問到佢嘅感情狀態,佢表示:「分咗手咪回復單身狀態。」即係,何家公子鑽石筍盤又復牌了。

當日兩個好sweet咁貼合照 仲被讀者影到佢哋拍拖

Coco都仲有follow猷君

鍾意就快D Share啦!