網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年10月13日 星期五

Eason吹住唱 笑阿徐唔睬人 __,阿徐,陳奕迅,Eason,徐濠縈,

Eason吹住唱 笑阿徐唔睬人娛樂要聞陳奕迅(Eason)為宣傳國語專輯,在世界各地舉行合共18場名為「EasonsaysC'monin~Tour」演 ...




Eason吹住唱 笑阿徐唔睬人

娛樂要聞








陳奕迅(Eason)為宣傳國語專輯,在世界各地舉行合共18場名為「Eason says C'mon in~Tour」演唱會。香港站於前晚及昨晚在旺角麥花臣舉行,有「吹神」之稱的他邊唱邊「吹」,又向台下老婆徐濠縈(阿徐)施冧功,以歌曲《人生馬拉松》來形容她,更笑言觀眾想見他可以去他家,但要問老婆先,Eason說:「但佢唔睬人㗎!」



Eason前晚在台上勁high,不時在台上跳高跳低。

陳奕迅踩過無數次紅館台板,但為宣傳國語專輯《C'mon in》,前晚及昨晚踩入旺角麥花臣場館,舉行一連兩晚演唱會。今次門票劃一750元,有歌迷向《蘋果》報料,指場外有操不純正廣東話的人、疑似是集團式運作的黃牛黨,向排隊入場的觀眾問價,欲收購門票。





【扮嘢王】

Eason全晚整古作怪,𠱁到台下觀眾哈哈笑。



【反白眼】

向來玩得的Eason,向觀眾示範經常被傳媒影到的反白眼。



徐濠縈前晚現身捧老公Eason場,女兒康堤未有同行。

示範反白眼

染了一頭粉紅頭髮的徐濠縈,開場前由後台步出,坐定定等老公上台,但未見囡囡康堤同行,捧場圈中人還有陳柏宇夫婦、郭偉亮和太太葉佩雯、梁漢文夫婦、趙學而、陳志雲及甄楚倩等。演出期間,Eason問觀眾:「有冇人聽晚都嚟?」台下有人歡呼表示有,Eason即笑謂:「咁勁有兩晚飛,介紹啲南亞裔我識吓,我自己都係得20張,攞晒出嚟喇。」有觀眾大叫好想繼續見到他,他便說:「想咪嚟我屋企囉,不過要問我老婆先,但佢唔睬人㗎,死加重咗佢形象㖭,其實佢連我都唔係好睬……講笑啫。」

心情大靚的Eason,在台上扮觀眾舉手投入跳舞,然後說自己不應被影到在台上太high、臉容扭曲的相,但話口未完,他又忽然向觀眾示範反白眼。之後唱《人生馬拉松》時他幫自己tag歌,冧爆老婆阿徐說:「以下呢首歌都係好好嘅,就似我太太咁,《人生馬拉松》。」



岑建勳和劉天蘭的女兒岑寧兒,為Eason演唱會擔任和音。



Eason今次專輯與RubberBand合作,RB成員阿正(右)前晚亦有擔任樂手。

對黃牛無符

完騷後Eason接受傳媒訪問,被問到黃牛票被炒至7千元一張,Eason說:「點解佢哋咁多飛?我都冇去助長呢件事,唔係唔同情買唔到飛嘅樂迷,但唔知點控制。」然後又作狀爆喊說:「咁我可以點呀?」問他可會多開場次減少炒風?他認為沒有用:「我上次都開25場啦,咪又係炒,標7千蚊張囉,但又炒得高,經理人又賺少咗,不過咁都代表我有價值,如南亞人士都入嚟睇就勁喇!」至於下一個香港演唱會,他說今年不會,最快明年、後年或大後年的年底,要看是否成功申請到紅館。



(左起)趙學而、梁漢文夫婦及葉佩雯和老公郭偉亮都有捧場。



甄楚倩和連炎輝都是座上客。

提到那英發聲明說不再做《中國新歌星》評判,有份參與的Eason說不知情,但相信因對方已做了六年,所以想休息。至於網民批評節目有黑幕,正如他之前在ViuTV都說有人提醒他按掣,Eason說只係提醒,不是甚麼黑幕,對於被指在節目中一邊打呵欠,一邊唱歌扮黎明(Leon),有網民認為不尊重,Eason即澄清:「我冇詆毀Leon,只係模仿佢唱歌嘅共鳴箒!」他續謂:「實不相瞞,我近年同Leon都有啲私交,所以先模仿吓佢,玩吓搞氣氛,我入行20年都踩咗唔少屎,如果唔熟都唔會咁做。」

採訪:曹家誠

攝影:仇志德




鍾意就快D Share啦!