掃呢頁CODE去手機

2017年10月25日 星期三

鼻尖剋子?高Ling想生仔要咬葱行房 __,高Ling,高海寧,

信不信由你喇!34D咪神高海寧(高Ling)日前擔任堪輿學家李居明電台節目嘉賓,肖虎嘅佢畀師傅讚命水好到天上有地下無!師傅仲話佢爺爺幫佢改咗個「冇得輸 ...


信不信由你喇!


34D咪神高海寧(高Ling)日前擔任堪輿學家李居明電台節目嘉賓,肖虎嘅佢畀師傅讚命水好到天上有地下無!師傅仲話佢爺爺幫佢改咗個「冇得輸」嘅名,利人緣同埋財運,最緊要嘅係,師傅批佢喺2019年或者2022年好大機會結婚兼生女!

想生仔要落功夫

但係呢,李居明話高Ling鼻形有「小小尖啄」,加埋八字有「剋子」之嫌,所以生女容易啲,生男就難啲咁話,而且仲會先生女後生仔!如果想生仔嘅話,唔係唔得,但就要喺造人時落啲功夫,唔可以亂造,否則生極都係女!

咁究竟點先生到仔?原來關棵葱事呀!李居明咁話:「一定要喺2023年,大約3月8日至4月8日期間,兩公婆去屬木嘅日本,要喺早上天光、雞鳴之際,即係清晨5、6點,用鬧鐘鬧一鬧醒,鬧鐘取其金,生你啲水,你就着件性感嘅綠色睡衣,唔着都得,兩隻手要揸住兩棵葱,或者咬住條葱都得,然後進行『播種』過程,咁先可以一胎搞掂,生個屬兔嘅仔,否則又係生女!」咁高Ling真係要記得較鬧鐘喇!

有中六合彩命

另外,李居明批高ling有中六合彩命,預測佢喺2026年6月發大達:「就算唔得獎,都會有大舊錢,嗰個數字同5字有關,可能係500萬、5,000萬、5億,如果你勁咪50億!只要放隻銅雞喺床頭,再行馬年運就無敵!」又話佢人生最有米係喺62、72歲時,屆時手上應有5間豪宅,係個5億富婆!仲有,肖虎嘅高Ling,因為老虎會嚇親細路,令新人難有小朋友,李居明話:「唔好再做(姊妹)啦,唔好害人」嚇到高Ling喊晒口:「唔好咁大聲我做過,以後冇人夠膽請我做姊妹,冇晒朋友」

東網搵到高Ling,問佢會唔會試「咬葱生仔法」?佢話:「到時先算,如果生唔到咪試吓囉!」講到有中六合彩命,佢就話自己平日唔鍾意買六合彩,但到咗嗰年都會試吓。對於被指不宜做姊妹,佢就話:「做姊妹係一種祝福,自己唔知會唔會影響人,不過我諗唔會啩,邊有咁容易影響到人,唔好嘅聽咗就算啦。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!