掃呢頁CODE去手機

2017年10月20日 星期五

【爆相爆片】傳向江希文興訟 胡漢清慈父mode湊女 嘴對嘴 __,江希文,胡漢清,

「江胡恩怨」又起風波!66歲資深大律師胡漢清跟46歲舊愛江希文分手擘面,有報道指胡漢清上月到香港仔警署報案,舉報有人妨礙司法公正,由港島總區重案組負責 ...


「江胡恩怨」又起風波!66歲資深大律師胡漢清跟46歲舊愛江希文分手擘面,有報道指胡漢清上月到香港仔警署報案,舉報有人妨礙司法公正,由港島總區重案組負責調查,暫時未有人被捕,報道指事件疑涉及兩人分手後安排。

胡漢清昨日被拍到現身灣仔社會福利署。及後他受訪時拒透露詳情,稱不想影響司法程序。

糾纏五年嘅「江胡恩怨」越搞越大鑊,2012年兩人撻着一個月即閃電訂婚,翌年江希文為胡漢清未婚生女,囡囡Natalie現四歲半,惟三年前江胡情玩完,兩人分手後更反面收場,為女兒嘅生活費同撫養權對簿公堂。

對於傳被胡漢清報警一事,《蘋果》今日聯絡江希文及警方了解,但未獲回覆。其胞姐江欣燕喺電話表示:「佢哋啲嘢,我唔答啦。」問會否擔心妹妹?欣欣無奈話:「呢件事唔知真定假喎,佢哋啲嘢咁複雜,等佢哋自己搞。」問妹妹有否透露情況?欣欣話:「冇喎,你搵佢啦,因為我唔係同佢住,佢都冇同媽咪住,佢自己住。」係咪已搬離胡家大宅?欣欣表示:「佢冇同佢(胡)一齊住啦,但我唔透露咁多。總之佢OK呀,佢同個囡好開心。」

雖然囡囡跟江希文生活,但都有安排父女相處,早前胡漢清約男友人喺L Hotel食晏,就帶埋囡囡邊食邊傾工作,其間仲同囡囡玩錫錫,被讀者Kim透過「爆相爆片」分享,讀者喺電話表示:「嗰日下晝三點幾見到佢哋,本來冇留意胡生,因為佢囡囡好得意,行嚟行去玩,之後認到胡生,佢講嘢比較大聲,同朋友傾工作,囡囡好cute,胡生見囡囡悶,叫咗朱古力雪糕畀囡囡,仲親自餵囡囡食嘢,好似慈父。我仲聽到囡囡話搵媽媽,胡生話媽媽今日唔得閒,今日同我一齊啦。佢囡囡都滿口英文,兩父女用英文溝通。」

(讀者Kim提供圖片) 有讀者見到胡漢清約男友人喺L Hotel食晏,帶埋囡囡邊食邊傾工作。

胡漢清慈父上身,仲同囡囡嘴對嘴。






鍾意就快D Share啦!