掃呢頁CODE去手機

2017年10月21日 星期六

【狗仔出更】「吹神」果然勁talk得!陳奕迅埋個單都吹足20分鐘 __,陳奕迅,

近排陳奕迅嘅曝光率奇高,先係做歌唱比賽嘅導師,然後又客串電影,啱啱喺ViuTV仲播完佢嗰套音樂劇《短暫的婚姻》結果喺網上勁吸like,大家都覺得Eas ...


近排陳奕迅嘅曝光率奇高,先係做歌唱比賽嘅導師,然後又客串電影,啱啱喺ViuTV仲播完佢嗰套音樂劇《短暫的婚姻》結果喺網上勁吸like,大家都覺得Eason把聲有渲染力!(新聞連結:http://bit.ly/2gwnC1H)

既然上天賜咗一把咁好聽嘅聲俾Eason,當然要好好利用喇,所以Eason除咗好鍾意唱歌之外,亦好鍾意講嘢,雖然佢喺歌壇嘅地位舉足輕重,不過佢選擇嘅傾偈對象,幾乎係無國界兼且又無界限,隨時隨地可以好freestyle嘅吹水,果然不負「吹神」呢個稱號!

前晚《蘋果》7點幾喺大坑見到Eason,同行嘅係佢嘅親密戰友,即係佢嘅經理人甘菁菁!佢哋揀咗一間好地道嘅粉麵舖食嘢,心情勁靚嘅Eason,同甘菁菁傾得好開心,傾傾仲拎埋個電話出嚟,疑似係傾吓一啲網上嘅留言,話題一直都冇停過!

大約過咗15分鐘左右,Eason同甘菁菁埋單走人,臨時前Eason打咗個電話,收線之後,Eason落柯打買外賣,喺等外賣嗰陣,Eason又同啲店員繼續吹神本身,由樓面都水吧嘅員工,滔滔不絕咁傾,佢哋似乎係喺度研究啲烹調心得,結果最多近20分鐘,先拎住二大袋外賣走人,跟住佢哋上咗一架黑色7人車走人!

(採訪、攝影:徐錦池、吳耀輝) 陳奕迅喺度狂撳電話! 跟住俾甘菁菁睇!


唔知佢打俾邊個問使唔使叫外賣呢? 企喺水吧繼續傾!


終於肯走喇! 齊齊去拎車!

鍾意就快D Share啦!