掃呢頁CODE去手機

2017年10月12日 星期四

孖克勤夫婦遊台灣 阿倫丟低 Wendy各自走 [壹週刊 - 1440] __,克勤,譚詠麟,阿倫,李克勤,M1,

早前,阿倫同Wendy密遊台灣,回程時前後腳分開出閘。探熱針孖克勤夫婦遊台灣 阿倫丟低Wendy各自走66歲的譚詠麟除咗有元配老婆楊潔薇(沙莉),仲同 ...






早前,阿倫同 Wendy密遊台灣,回程時前後腳分開出閘。

探熱針

孖克勤夫婦遊台灣 阿倫丟低 Wendy各自走

66歲的譚詠麟除咗有元配老婆楊潔薇(沙莉),仲同紅情人知己 Wendy發展婚外情, 96年生埋獨生子譚曉風,呢個已經係公開嘅秘密!

事隔多年,阿倫對 Wendy兩母子依然高度保護。早前阿倫約埋老友李克勤、盧淑儀,拉大隊飛去台灣四日遊, Wendy雖然有份陪玩,但全程要做「隱形人」。回程時 Wendy等大隊出晒閘,一個人笠晒帽鬼祟離開。

全程「隱形」

今年七月,二十一歲的譚曉風在英國牛津碩士畢業,阿倫幾忙都抽時間飛去當地觀禮,更得意忘形,破例將阿仔嘅背脊相放上微博 share。阿仔終於有得見光,不過情人知己就要繼續收埋。

出發去台灣當日(廿五日),臨起飛前一粒鐘,阿倫匆匆忙忙現身機場,更一早吩咐 Wendy從另一邊閘口入閘,成功調虎離山。去到台灣,又不停上載同克勤吃喝玩樂相上網, Wendy繼續「冇影」。







出閘後,戴住漁夫帽的 Wendy一直貼牆行,非常鬼祟。





阿倫出閘冇耐,就見到克勤同盧淑儀兩公婆,剩低 Wendy殿後。

分開出閘

四日三夜玩完返港,落機時阿倫同 Wendy一樣分開走。攞完行李,阿倫一馬當先出閘,急急腳行去停車場。接住克勤兩公婆推住兩大喼行李,施施然步出,相隔唔夠一分鐘, Wendy終於現身。見閘口多人,為怕行蹤曝光, Wendy一直低頭行,出閘前 Wendy更戴番頂漁夫帽包到實,保證萬無一失。沿路 Wendy一直低頭貼住牆行, keep住箭步去到停車場,即刻跳上車走人。





阿倫在微博上載同克勤遊淡水相片, Wendy全程「隱形」。





出發時,阿倫刻意同 Wendy分開閘口,成功調虎離山。

盧淑儀做啦啦隊

早前阿倫孖住歌神 Sam喺紅館開完十二場演唱會,校啱克勤又啱啱開完騷,兩人趁機抖番夠本。上週四(五日)中秋假期,「明星足球隊」搞友誼賽,克勤帶埋老婆同兩個仔出現。克勤落場踢,盧淑儀一直在場邊做啦啦隊,離遠幫老公打氣。至於兩個仔 Rex同 Ryan,一樣大顯身手,人仔細細已經識得扭波,好好腳法。

克勤一家四口晒溫馨,但公開場合 Wendy例牌冇份,阿倫單拖出現,著住件貼身波衫,大肚腩凸晒出嚟。雖然六十有六,但阿倫落到場一樣搏到盡,跑到上氣唔接下氣,真係睇見都戥佢辛苦!





上週五(六日),「明星足球隊」搞友誼賽,阿倫、克勤等一班中佬落場大顯身手。





六十六歲的阿倫俾件濕透嘅波衫出賣,凸腩兼飛釘。





盧淑儀全程離遠望實老公打氣。





克勤兩個仔落場踢埋一份,人仔細細識扭波,好腳法。





受克勤影響,兩個仔一樣鍾意踢波。





譚曉風在牛頭碩士畢業,阿倫專程飛英國觀禮。





啱啱同歌神 Sam開完十二場個唱,阿倫趁機出埠抖一抖。

有名冇分

娛樂圈未婚生 B大有人在,即使 BB出世後,亦都攞唔到名分,未有結婚打算。

陳可辛 吳君如

吳君如與陳可辛早於 97年撻着,多年來一直表現恩愛, 06年誕下女兒陳是知,拍拖足足二十年,但二人至今還未有註冊結婚。

紀曉波 吳佩慈

已為人母的吳佩慈先後為內地百億富商紀曉波誕下三胎,大女小蕊蕊已經三歲,二仔漢斯亦一歲大,早前再誕下孻仔,可惜二人至今仍未登記結婚,但紀曉波亦相當識做,去年以吳佩慈名義入股值三億的怡益控股,成為億萬富婆。

李澤楷 梁洛施

09年,梁洛施於美國為李澤楷誕下兒子李長治,翌年再為他誕下一對孖仔 H&N,但二人一直未結婚,直至 11年更發聲明宣布分手。

撰文:娛樂組

攝影、攝錄:陳亦龍、李玄、蕭敬漁、楊紫


鍾意就快D Share啦!