掃呢頁CODE去手機

2017年11月12日 星期日

【11月星辰】姚子羚祝福46歲「老豹」胡蓓蔚生日快樂﹕一個去三個返 __,胡蓓蔚,姚子羚,

【新增內容】又係「胡說八道會」呀吓......今個月6日係胡杏兒嘅38歲生日,胡定欣、李施嬅、胡蓓蔚、姚子羚同黃智雯上門為佢搞咗個睡衣派對。相隔6日, ...




【新增內容】

又係「胡說八道會」呀吓......今個月6日係胡杏兒嘅38歲生日,胡定欣、李施嬅、胡蓓蔚、姚子羚同黃智雯上門為佢搞咗個睡衣派對。相隔6日,今日輪到「豹嫂」胡蓓蔚慶祝46歲生日,Happy Birthday!

噚晚一班好姊妹又再相聚,但今次唔見剛啱生完Baby Lee嘅杏兒,大合照位置就由楊秀惠補位,而豹哥單立文同袁偉豪都有出席。姚子羚今日喺Instagram上載合照,仲搞笑叫壽星女做「老豹」,佢話:「老豹Happy Birthday.We all Love u~ 祝妳Keep住咁靚、繼續型爆~同豹哥(單立文)過一個巧浪漫嘅生日之旅!一個去三個返,我話一個喼去三個喼返,滿載而歸。」而佢哋亦都有為今個月21日生日嘅子羚一齊慶祝,子羚同豹嫂即興咀嘴,high到爆!

話晒都係老婆生日,豹哥梗係有喺ig留言,佢同豹嫂講:「今日你生日,你話過要照顧我一生一世㗎,冇得反口㗎⋯」而豹嫂都有為生日留個腳印,喺ig留言:「Thank you everyone for the lovely Birthday Shout-outs I feel very fortunate to have all of you in my life (Especially my gals, you know who you are ) I will continue to live my life, be more caring, work hard, play harder, most importantly stay healthy ? 」豹嫂仲tag埋地點,應該就同豹哥去咗北海道旅行。

另外,今日仲喺張智霖(Chilam)同袁詠儀嘅囝囝張慕童(Morton)嘅11歲生日,Chilam喺微博貼上一家三口嘅溫馨床照,留言﹕「生日快樂morton,我把今天送給你 。」



更多娛聞,喺晒《娛果》

http://fb.com/appledailyent

豹嫂牛一,姊妹們再聚首,子羚仲錫咗豹嫂一啖。(網絡圖片) 杏兒要湊BB,楊秀惠暫時補位影大合照。(網絡圖片) (網絡圖片)
袁偉豪同胡說八道好friend,經常一齊做運動,豹嫂生日都有出席。(網絡圖片) 兩位11月壽星女一齊許願。(網絡圖片) (網絡圖片)
豹哥豹嫂幾時都咁恩愛。(網絡圖片) (網絡圖片) 早前杏兒生日,一班姊妹同佢開睡衣派對。(網絡圖片)
今日喺魔童10歲生日,爸爸媽媽話要全日陪住囝囝。(網絡圖片) 豹哥豹嫂喺差唔多時間,一齊更新ig,講生日快樂。


鍾意就快D Share啦!