掃呢頁CODE去手機

2017年11月23日 星期四

相隔12年再拍劇 劉嘉玲讚大陸劇製作專業 __,大陸,劉嘉玲,嘉玲,中國,

劉嘉玲現正在上海拍劇,對上一次拍劇已經係12年前。藝人劉嘉玲(Carina)以一身黑色閃亮晚裝出席活動,她笑言要應景襯托光影主題:「香港近日舉辦很多活 ...


劉嘉玲現正在上海拍劇,對上一次拍劇已經係12年前。


藝人劉嘉玲(Carina)以一身黑色閃亮晚裝出席活動,她笑言要應景襯托光影主題:「香港近日舉辦很多活動,希望將作為旅遊城市嘅香港特色帶畀全世界朋友。」她透露聖誕節將會在工作中度過,未能與老公梁朝偉到北海道滑雪:「要去上海拍電視劇,都十二年冇拍。(咁辛苦都拍?)我好鍾意個故事,係張愛玲嘅《半生緣》,而角色顧曼璐人生大起大落,係悲劇人生,所以想試吓。(幾多集?)有40集,拍三個月,已經開咗一個月。(天價酬勞?)合理滿意,依家內地電視劇製作好專業同嚴謹。」

提到已故影視大亨邵逸夫(六叔)太太方逸華昨日病逝,問Carina有否回想與她的相處時光,她說:「佢太高層,冇咩機會同佢相處,印象中嘅方小姐係好Nice。(多唔多見?)冇咩機會見到。」而她曾於00年演出電視劇《影城大亨》,扮演方逸華的角色,問當時可有向她取經?她說:「冇,我好遲先知要演呢個角色原來同佢有少少關係,佢都係一個好上進,好進取嘅女人,係我學習榜樣。」

Carina表示要待到過年後方可與梁朝偉滑雪,與他商量過想避過大時大節去玩:「因為人太多,同埋我同佢都要宣傳賀歲片。(第一次同佢打對台?)冇諗過打對台,我哋都為香港電影默默付出緊,好感恩仲做緊嘢。」


來源 source: http://hk.on.cc
鍾意就快D Share啦!