網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年11月9日 星期四

選亞姐被欺凌羅霖遭對手批踭推撞 [壹週刊 - 1444] __,亞姐,羅霖,亞洲小姐,M1,

事隔二十六年,羅霖重提選美期間被其他佳麗欺凌的苦況。繞場壹週選亞姐被欺凌羅霖遭對手批踭推撞每一場選美總有佳麗被捧為大熱,成為傳媒焦點。91年亞洲小姐冠 ...






事隔二十六年,羅霖重提選美期間被其他佳麗欺凌的苦況。

繞場壹週

選亞姐被欺凌羅霖遭對手批踭推撞

每一場選美總有佳麗被捧為大熱,成為傳媒焦點。 91年亞洲小姐冠軍羅霖正好是人辦。一直遙遙領先直到當選,被傳媒熱捧的風光背後,卻惹起部分佳麗眼紅,毫不避忌於彩排期間言語單打、批踭兼推撞,令 Candy(羅之洋名)在整個選美都在欺凌中度過。

出言中傷





葉 Fun今集請來亞姐的經典之一,九一年冠軍羅霖暢談參選往事。

羅霖參選時剛好二十五歲,是亞姐參選的年紀上限。同其他佳麗年紀差一截,自然成為針對對象,不時被其他佳麗言語中傷。

羅:其實我係二十四歲,但因為一直選到差唔多八月尾,我係八月尾生日,就二十五歲,嗰時限制年齡係十七至二十五歲,所以當時其他佳麗就會話,咁老都嚟參加選美。

葉:其他人只不過係啱啱畢業,二十出頭。

羅:係呀,全部都細過我七年,全部都係十七、八歲。

無故被推撞、批踭

以前的亞姐通常都是非不絕,誇張得儼如連續劇劇情,羅霖親歷其中,更大爆有佳麗不滿自己成為傳媒焦點,受到陰招對待。

葉:我記得九○年嘅亞洲小姐,即係你前一屆,好多是非、新聞,又話佳麗會灑痕粉,又喺袋裡預備鉸剪,準備剪爛人哋條裙。

羅:我哋嗰屆乖啲,因為之前已經受過教訓,都仍然會有人鬆踭,我都俾人鬆過踭,譬如大合照時,佢唔想你企中間咪鬆你踭,如果你留意番當時選美,大合照我永遠企側邊。我成日覺得單人時你咪可以表現自己靚靚,當團體時,其實睇到好少,我覺得唔需要同人爭,咪由得人企中間,我覺得企側邊無乜所謂。

葉:作為大熱門,有冇好大壓力,同時又覺得大會厚待自己?

羅:冇,大熱門仲慘,我寧願無人留意我好過,因為大熱門會俾其他佳麗杯葛,有啲人練習跳舞時會特登埋嚟撞吓我。

葉:對佢哋有咩着數?

羅:佢就係要針對你,我唔知佢哋咩嘢心態。

葉:除非佢撞傷你,撞到你選唔到。

羅:總之佢想蝦你,好似欺負其他同學仔咁,等你唔開心,譬如有時食飯,佢又會特登攞張櫈撞吓你,我咪惟有避開佢,可能我已經開始工作,會覺得佢哋呢啲行為好幼稚,我唔會同佢一般見識。

葉:我覺得做呢啲事對佢哋都無好處,因為保母一定看在眼內,保母就係咁嘅作用。

羅:保母知道邊個食煙,邊個唔乖,邊個遲到,邊個準時,全部知道晒。





做過六年空姐的羅霖,由參選開始一直是頂頭大熱,最終眾望所歸成為冠軍。





九一年曾經有環節安排佳麗以軍服上陣,當時算是頗創新的構思。





九○年亞姐是非不絕,吳綺莉(右一)成為冠軍,同屆的還有施綺蓮,及已離世的陳寶蓮。





參選時欺凌不斷,但羅霖仍有知心友,與亞軍黎虹讌(左二)分屬好友,至今仍有定期聚會。

撰文:娛樂組

攝影:黃志  

羅霖髮型: Peggy Tsui、 JayCheung@Hai 

葉 Fun-化妝: Candice Li 場地提供: BOND


鍾意就快D Share啦!


Related Posts Plugin for WordPress, Blogger...