2017年11月16日 星期四

嘉玲素顏行山密冚梁朝偉超市掃貨 [壹週刊 - 1445] __,梁朝偉,朝偉,劉嘉玲,嘉玲,M1,

各有各玩:近年愛上行山嘅嘉玲,經常素顏出動上山吸收天地靈氣。同你吟一吟嘉玲素顏行山密冚梁朝偉超市掃貨51歲「美魔女」劉嘉玲同54歲丈夫梁朝偉由拍拖到結 ...






各有各玩:近年愛上行山嘅嘉玲,經常素顏出動上山吸收天地靈氣。

同你吟一吟

嘉玲素顏行山密冚梁朝偉超市掃貨

51歲「美魔女」劉嘉玲同 54歲丈夫梁朝偉由拍拖到結婚長達 30年,雖然兩公婆生活習慣好唔同,但有 30年時間磨合,自然搵到二人嘅相處之道,就是各自各精彩。





劉嘉玲同老公梁朝偉拍拖到結婚三十年依然恩愛,嘉玲的品牌在上海搞 fashion,朝偉專登到場支持。

日日運動身體好,女人唔補好易老!踏入 5字頭嘅劉嘉玲就好明白呢個道理,積極做運動去促進新陳代謝。近年愛上行山嘅嘉玲,成日都見佢喺 Ig分享行山相,日日上山吸收天地靈氣,健康好咗之餘,皮膚仲好到零毛孔,素顏一樣見得人!是日一身運動裝嘅嘉玲又再出動,見佢自己一丁友喺山頂行足幾粒鐘,其間完全唔使休息,到差唔多行到終點,唔知係唔係驚俾人見到自己全素顏,嘉玲即刻戴番副黑超,再跳上的士極速走人!

嘉玲去咗行山,老公偉仔又鍾意做啲咩?答案就係做「男煮人」買餸返屋企煮飯仔俾老婆食。《壹》仔撞到偉仔戴齊 cap帽口罩現身金鐘超市掃貨。為咗食得健康,近年偉仔仲搵營養師度身訂做營養餐單,當日偉仔專攻蔬菜、水果等食材,完全做到政府宣傳「多菜少肉」嘅宗旨,偉仔仲細心研究營養標籤,唔合佢心水嘅全部 foul!最後堆滿大半個購物籃先捨得埋單!







=梁朝偉近排同郭富城拍緊新戲,難得有假期,佢戴住 cap帽口罩現身金鐘超市買餸。





開始養生嘅偉仔喺超市專攻蔬菜水果,每樣食材都細心研究營養標籤。





行超市前,偉仔買咗個「單車泵」,見佢買買吓餸都不忘拎起「新玩具」研究。





今年六月偉仔生日,嘉玲當然有準備驚喜俾老公啦。







嘉玲輕巧地跨過石壆再向山頂進發。





臨到終點,嘉玲即刻戴番副黑超。





出完一身汗,嘉玲跳上的士走人。





嘉玲早前在北京登上長城。

撰文:八珍

攝影:李玄


鍾意就快D Share啦!
Related Posts Plugin for WordPress, Blogger...