掃呢頁CODE去手機

2017年11月16日 星期四

阿女撐住枴杖陳少霞遇着……的士司機 [壹週刊 - 1445] __,陳少霞,M1,

阿媽等埋呀!挽住兩袋戰利品嘅陳少霞一支箭咁行,撐住枴杖嘅阿女當然追唔切。同你吟一吟阿女撐住枴杖陳少霞遇着……的士司機去年再婚,嫁俾有「法拉利之父」之稱 ...






阿媽等埋呀!挽住兩袋戰利品嘅陳少霞一支箭咁行,撐住枴杖嘅阿女當然追唔切。

同你吟一吟

阿女撐住枴杖陳少霞遇着……的士司機

去年再婚,嫁俾有「法拉利之父」之稱嘅富商李文輝,陳少霞由內到外都好有闊太味。呢日佢喺淺水灣同前夫生嘅囡囡撐枱腳,個女傷咗腳,出入要用枴杖。不過挽住兩大袋戰利品嘅陳少霞好心急,一支箭咁行,完全將個女拋離。行到半路,可能聽到阿女嗌:「等埋呀!」陳少霞先停低等埋阿女。

嗰晚行動不便嘅阿女,遇着一個點樣嘅的士司機呢?撐住枴杖,上車當然動作慢咗啲,個的士司機見狀走落車,一手……唔使驚!唔係攞條鐵通趕客走,而係幫佢開車門,仲話:「慢慢,唔使急。」

咁有耐性,陳少霞索性叫司機哥哥等多陣,等佢去埋七仔買嘢先上車,遇着個好心司機,唔知闊太陳少霞落車時有冇俾多幾蚊貼士嘉許呢?





終於發現阿女墮後咁多,陳少霞停低等埋。





兩母女唔知傾啲乜,陳少霞突然放低兩袋嘢喺地,同個女對峙咗一陣。八珍可能諗多咗,兩母女商量嘢啫!





阿女上車先,陳少霞就火速入七仔買埋果汁,的士司機等完個女又等埋阿媽都冇躁底,呢個世界有好人㗎!





兩母女呢晚遇着個好心的士司機,阿女行動不便上車慢,司機哥哥落車唔係擸條鐵通趕客走,而係幫佢開車門。





嫁咗俾富商李文輝後,陳少霞跟老公一樣,鍾意出街戴草帽。

右珍珠左巨鑽

闊太陳少霞大大啖嘅食相,都不及佢手上嘅珠光寶氣咁搶鏡。





右手戴住嘅珍珠,十足珍寶珠咁大粒。





另一隻手戴住嘅都唔弱,巨鑽呀!

撰文:八珍

攝影:李玄


鍾意就快D Share啦!