朱晨麗 cup數稍遜，但皮膚白滑，十分省鏡。
探熱針
「限奶令」愈禁愈反
台慶一向是女藝人晒波好時機，可惜今年大台下「限奶令」，令 cup數強勁的高海寧及張秀文，巨胸無用武之地。不過後起之秀邵珮詩及莊思敏，一個是維他奶後人，一個是拿督女，兩個無懼禁令，一於 deep V到肚臍，邵珮詩出動八字波最搶鏡，令中門大開的朱晨麗都給比下去。
邵珮詩出八字波撼贏朱晨麗莊思敏
邵珮詩唔聲唔聲嚇你一驚，八字波一出，誰與爭鋒！
儘管下了「限奶令」，麥明詩、楊卓娜、沈卓盈及人妻張名雅，個個都照樣谷胸上陣，無視政策。而沈卓盈更不經意𠌥低身，自製倒奶效果。不過觀眾都要多得這班唔聽話的女藝員，否則成個台慶仲有乜賣點！
沈卓盈不經意𠌥低身整理裙襬，雙皮奶差點傾瀉而出，高招！
馬國明天然呆爆笑
食住《降魔的》個勢，馬國明繼續發揮天然呆本色，與阿 Bob扮《上海灘》的許文強及馮程程，傻戇表情觀眾勁 buy，就算跳舞跳到甩晒 beat，一樣獲網友力撐。事後他在 facebook，為自己解畫，話因為返內地工作，只得半日時間排練，所以跳得不好，他自嘲︰「如果可以帶俾觀眾歡樂都冇所謂，笑吓幾開心。」
志偉寸爆「限奶令」
不過做趣劇時，連曾志偉都玩嘢爆咗句：「今日有人帶支奶返嚟就俾人炒咗，因為限奶令俾人炒。」有吉士都要有分量才可以寸得起。其實以往台慶，乃女藝員表現人體奧妙展的最佳時機，令曝光率大增，今年突然下令「限奶」，真是玩殘唔少身材出眾又想出位的女藝員。
公司出「限奶令」後，不少女藝員乖乖遵守，高 Ling及胡定欣更包到上頸，認真聽話。唔露奶惟有轉玩露背、露長腿，露背組代表有陳凱琳及張曦雯，露腳組除了腿后陳敏之、張秀文都來湊熱鬧。而上位姐仔蔡思貝及劉佩玥，一個露膊一個細 V，露得含蓄。
高 Ling封胸嘥料
高 Ling真是聽話，不但「限奶」，簡直是密封身材！反而身材不算突出的姚子羚今回卻甚有睇頭。
「限奶令」下，胡定欣晚裝包到上頸，雖然服裝欠睇頭，但拖住緋聞情人陳展鵬，點都爭取到曝光率。
骨精露背驚嚇
露腿二人組
鄭俊弘解禁企筍位
幾個月前，鄭俊弘因為被揭背未婚妻偷食何雁詩，衰埋講大話，表面被放入雪櫃，但今回台慶卻安排他打頭陣，不僅可以獨唱幾句，在 50小生表演環節中，更企正第二排的中間位，與眾當紅小生並列，擺明車馬重新力捧。
攝影：娛樂組
|
鍾意就快D Share啦！
|
|
|
