掃呢頁CODE去手機

2017年11月23日 星期四

前世情人嗲到暈,沈嘉偉同倒模邱淑貞淺水灣煙韌拍拖 [壹週刊 - 1446] __,沈嘉偉,邱淑貞,M1,

沈嘉偉做廿四孝老豆湊女放學,兩父女拍住拖去食晏。探熱針前世情人嗲到暈,沈嘉偉同倒模邱淑貞淺水灣煙韌拍拖49歲的靚媽邱淑貞,99年嫁俾I.T主席沈嘉偉, ...






沈嘉偉做廿四孝老豆湊女放學,兩父女拍住拖去食晏。

探熱針

前世情人嗲到暈,沈嘉偉同倒模邱淑貞淺水灣煙韌拍拖

49歲的靚媽邱淑貞, 99年嫁俾 I.T主席沈嘉偉,息影後連生三個女。三個囡囡當中要數人氣最高,肯定係大女沈月,盡得媽咪真傳,樣靚身材正,唔止迷倒一眾宅男,連老豆都俾佢嗲暈!本刊呢日發現沈月陪爸爸去淺水灣食晏,兩人全程繑到實一實,沈月又時不時挨落爸爸膊頭,十足十拍拖一樣。 16歲女都仲咁黐身,難怪沈嘉偉對住呢個前世情人,都冧到暈陀陀喇!







見到記者,沈女怕醜匿喺爸爸後面。







阿女嗲功一出,沈嘉偉當堂溶咗。





沈女時不時挨落爸爸膊頭,勁嗲!





沈月食嘢都好斯文,保持淑女儀態。





兩父女醫飽肚,齊齊去攞車返歸。

後繼有人

九十年代性感 icon邱淑貞(豆斗),終於後繼有人,大女沈月今年十六歲,同阿媽生到餅印一樣,被喻為「最索星二代」,二女沈日走 cutie路線一樣得人鍾意,孻女沈晨就被指最似媽咪,一屋都係女,沈嘉偉冇詐型之餘,仲不知幾 enjoy。

生女始終黐老豆,沈月亦唔例外,呢日沈嘉偉又做「跟得爸爸」,接沈月放學,當日著住校服的沈月,束起了髮髻,露出雪白長腿,清純學生妹造型一樣省鏡。放學後兩父女「拍拖」去淺水灣醫肚,最後揀咗港式餐廳「粥粉麵飯」,在近門口位置坐低。沈月要黐實老豆,專登同沈嘉偉排排坐,仲坐得勁埋。嘢食未到,沈月仲一直繑實爸爸唔放手,好彩沈月當日著住校服,如果唔係分唔出,以為沈嘉偉同邱淑貞拍拖撐枱腳。

廿四孝老豆

圈中有不少公認的好爸爸,錫仔女錫到燶,萬事以家庭行先,即使工作幾忙亦都會騰出時間陪小朋友。

張學友

13年,大女張瑤華到英國寄宿留學,即使電影《赤道》開工在即,學友亦不辭勞苦親自送女到倫敦開學,更不惜改用智能電話,學用 WhatsApp方便同女溝通。

梁家輝

作為孖女 Chloe和 Nikkie父親,梁家輝一有空便與囡囡出外旅遊,對於女兒感情生活亦採取開放政策,互相分享,又不時於社交網上載溫馨照,關係好到幾乎以朋友形容。

李克勤

一向以老婆和囝囝行先的李克勤,就算幾忙都堅持親自湊仔返學。早前,更唧出空檔,安排家庭樂,在 35° C酷熱高溫下,一家四口到淺水灣沙灘進行下水禮,陪囝囝玩沙。

嗲暈老豆

要 keep住淑女儀態,沈月全程歎慢板,細細啖放入口,食快餐都食足成個鐘。之後兩父女開始邊篤電話邊吹水。傾到興起,沈月仲挨落爸爸膊頭,好鬼嗲!俾寶貝女電到暈的沈嘉偉,一臉慈父笑容。食完嘢,沈月一路繑實老豆行去攞車,發現記者,沈月顯得有點怕醜,低頭匿喺爸爸後面,加快腳步走人。





孻女沈晨一樣勁黐老豆。





早前沈嘉偉一拖二行 IFC,沈月熱褲晒長腿,好吸睛。





去年沈月同邱淑貞一齊行街,當時沈月仍然 baby fat,未算好似邱淑貞。

嚴加看管

囡囡咁省鏡,肯定引埋唔少狂蜂浪蝶,做阿爸阿媽都咪話唔擔心,幾個月前沈月就被撞破密會一名年約二十歲,貌似韓星李敏鎬的少年,豆斗表面扮「開通」,實質已加強監管,日日同老公輪更親自接放學。

「個女咁靚女,多人追都好平常,不過做父母點會想個女咁細個拍拖,唔多唔少都會影響學業㗎嘛!不過佢哋都知冇得夾硬嚟,惟有自己睇實啲!」豆斗身邊人透露。





樣子標青的沈月,係校內的風頭躉,吸引唔少狂蜂浪蝶。(右下一)





前排沈月同一名貌似李敏鎬的少男拍拖睇戲,事後阿爸阿媽即加強監管。





息影後,邱淑貞專心湊女,做全職媽咪,不過依然 keep得勁索。





沈嘉偉的 I.T業務,近年在內地收益大幅增長。

唔夠細妹嗲

返學有老豆跟實,連放假都係家庭樂,唔使著校服,沈月換上一身潮 look,紅色衞衣襯牛仔短裙,將長髮放下,頭頂上面插住黑超。化咗淡妝的沈月,五官輪廓更加標致,驟眼睇同豆斗簡直倒模一樣。

當日沈嘉偉一拖二,帶住沈月同孻女沈晨現身 IFC,話明孻女孻心肝,沈嘉偉全程拖實沈晨,又肉緊搣阿女面珠,但沈月呢日就 cool得多,同老豆冇乜兩句,不過就幫手拎住戰利品,果然有大家姐風範!







二女沈日唔夠家姐似媽咪,不過勝在夠 cute!





老豆係時裝王國 CEO,沈月都好識打扮,仲時不時晒腿益街坊。

撰文:娛樂組 

攝影:瀚鍾


鍾意就快D Share啦!