網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年11月30日 星期四

換保鏢班底 熱戀梁洛施甩李澤楷監控 [壹週刊 - 1447] __,李澤楷,梁洛施,M1,

四母子獲准回流返港,早前Isabella湊住孖仔去公園放電。娛頭換保鏢班底 熱戀梁洛施甩李澤楷監控同李澤楷分手六年,上月梁洛施(Isabella)被本 ...






四母子獲准回流返港,早前 Isabella湊住孖仔去公園放電。

娛頭

換保鏢班底 熱戀梁洛施甩李澤楷監控

同李澤楷分手六年,上月梁洛施( Isabella)被本刊踢爆密會一名年約四十歲的四眼男,兩人公然在餐廳暗角調情。終於有仔敢埋身,重新出發的 Isabella,諗計甩李澤楷監控。

湊住李嘉誠三粒男孫的她,一直得到李家無限量照顧。今年初獲准帶三子返港定居,李澤楷更為四母子安排保鏢、坐駕,兼入住數碼港豪宅。但有新歡後, Isabella不想身邊有李家探子,拒絕小小超「好意」,十月換掉李家保鏢班底,更同三子秘密搬離數碼港,另覓豪竇過新生活。







著住短裙的 Isabella,玉腿不停餵蚊,極唔耐煩。





七歲大的孖仔勁活躍,在滑梯擒高擒低,睇見都牙煙。





有媽咪陪住去公園,孖仔笑到見牙唔見眼,但 Isabella對住兩個仔,就無乜心機。

帶三子返港定居

在芸芸「楷女郎」當中,只有 Isabella成功為李家留下血脈。○九年,年僅廿二歲的 Isabella,為李澤楷誕下大仔李長治,翌年再添一對孖仔 H&N,可惜二人關係維持四年便玩完。同豪門擦身而過, Isabella一度同三子定居多倫多。

眨吓眼大仔長治已經八歲,同李澤楷餅印一樣;兩個弟弟則一個似李澤楷,一個如「迷你李嘉誠」,三粒孫都深得爺爺歡心。阿爺掛孫心切,以往一年最少下旨兩次,要 Isabella帶三粒孫返港敍天倫。直至今年初,李澤楷終於決定接 Isabella母子返港。

「今年年頭 Bella已經湊咗孖仔返嚟,長治就留喺多倫多讀多一個學期,六月先同婆婆一齊返。三個小朋友都好適應香港生活,同埋已經返緊學,短期內都唔會返過去喇!」 Isabella身邊人透露。





用李家保鏢





今年四月, Isabella同孖仔去一間日本餐廳開餐, Isabella細心幫囝囝夾餸。





李氏保鏢訓練有素, Isabella母子去過的地方,保鏢放下繩索做標記。





上月尾,本刊撞破 Isabella在圓方密會四眼新歡。

不想被掌握行蹤

返港後李澤楷安排四母子入住位於數碼港豪宅,出入都有司機接送,又有李氏保鏢團隊跟身。但已有新歡的 Isabella,不想長期被對方掌握行蹤,早前已搬屋兼換新保鏢班底,本刊發現上月四母子身伴已有新保鏢團隊登場。

「依家有拖拍, Bella唔想 Richard放咁多人喺佢身邊,平時如果唔係湊住啲仔, Bella盡量都唔坐李家啲車,寧願坐的士。」知情人續說。





長治遲遲未出閘, Isabella等到頸都長。





六月時長治返港, Isabella親自到機場接機





兩母子久別重逢勁開心。

湊仔拍拖兩個樣

平日將大部分時間放在三個仔身上的 Isabella,早前跟新保鏢團隊,帶一對孖仔到淺水灣公園放電。當日所見,已經七歲的孖仔 H&N,無論樣貌、身高同打扮都倒模一樣,非常可愛。二人在公園擒高擒低,精力無限。但著住短裙的 Isabella,因為公園多蚊,不停左抓右抓,極不耐煩兼面燶燶,同本刊早前拍到她密會新歡時的含春樣,天淵之別!不過她仍相當警覺,不時四圍張望,又為孖仔影相。至晚上,三母子會合梁母及大仔去開餐,有母親幫忙,她才顯得輕鬆點。

由於三個仔比較好動,齊齊出外放電較為大陣仗,有時 Isabella媽媽帶三個孫去公園玩,便要出動三個保鏢貼身睇實,實行人盯人。其間大仔長治比較喜歡獨自玩,跟孖仔 H&N較少交流。

事實上, Isabella四母子感情極深,尤其跟大仔,今年六月長治返港, Isabella親自去接機。當時兩母子已分開半年,長治見到媽咪興奮到跳吓跳吓,即刻攬實媽咪,場面溫馨。





食食吓孖仔突然跳起揮拳,好 hyper!





孖仔一個似老豆,一個就同爺爺李嘉誠餅印一樣,難怪阿爺錫到燶!





跟足李家節儉作風, Isabella湊仔食老麥,非常貼地。





新班底





上月, Isabella湊住三子去公園玩,保鏢已經全部換班。





舊班底





今年三月, Isabella接旨帶三子從加拿大返港見爺爺,當時仍然用舊保鏢班底。

幫襯老麥好貼地

一向跟足李家規矩教仔的 Isabella,貫徹李家平實作風,平日出入地方都非常平民化。早排 Isabella湊住孖仔幫襯老麥,同行仲有其他小朋友。當日孖仔非常活躍,把口無停,又不時手舞足蹈,一時扮打拳,一時又跑來跑去, Isabella冇咁好氣,坐埋一邊密密食。





熱戀中的 Isabella俾男友捉住玉手又啜又聞,個樣冧到爆!





臨走時,仲要除低口罩 goodbye kiss。

有新歡約法三章

同小小超劃清界線, Isabella專心湊仔, dry足六年,最近終於有仔埋身。上月尾,本刊直擊 Isabella同新歡在圓方拍拖睇戲,兼消夜直落。其間男方更捉住 Isabella玉手狂啜三十三啖,又隔住口罩 goodbye kiss,好癡纏。拍拖還拍拖, Isabella湊住三個李家金叵羅,同「小小超」一早有共識,一切要以三子行先。

「 Richard唔會干涉佢嘅私生活,總之 Bella湊得三個仔妥妥當當, Richard都唔會詐型。就算 Bella依家有拖拍,佢一定搞掂晒啲仔,照顧好佢哋,夜晚先抽時間出去拍拖。」 Isabella身邊人說。





○九年,年僅廿二歲的 Isabella為李澤楷誕下骨肉,一早就是沒名份的李家新抱。





當晚 Isabella唔坐李家坐駕,寧願自己 call的士。

李嘉誠全天候保護七個孫





長男孫李長禧

李嘉誠一向對七名孫仔孫女甚為保護,除早前長子李澤鉅的二十一歲大女李燕寧,獲御准跟爺爺現身馬場,其他李家第三代的樣貌從沒公開曝光。

每年元旦,李嘉誠均會帶同家人拜祭亡妻莊月明,過去李燕寧,以及另外兩個分別十七歲及十三歲的妹妹李思穎與李燕容,每次都以黑超及口罩遮樣。至於十一歲弟弟、李家長男孫李長禧( Michael)更獲特許,可缺席拜祭,以免容貌曝光。

由於身份特殊,就讀漢基國際學校的 Michael在校內非常低調,校方亦批准他帶保鏢上學。有指當年李嘉誠為讓 Michael隨其父親及叔叔腳步,入讀聖保羅男女校,曾有意向學校捐出九千萬,惟校方堅拒讓 Michael帶保鏢上學,李家惟有另覓學校。

至於次子李澤楷的大仔長治及孖仔 H&N,由在加拿大到回歸香港,同樣長期被保鏢團全天候保護,保安嚴密。

終於話事

做富豪身邊的女人,要識分寸、懂低調行事,但隨着得寵度升高,慢慢會有自由度,終於可以自己話事。





甘比:向來得大劉愛錫的甘比,由女友變成劉太,得來不易。最重要是她以大劉的喜好為自己的喜好,過去絕少拎大劉愛牌 Hermes以外的手袋,吃飯絕少去大劉飯堂福臨門以外的食肆。但隨着得寵度提升,她身上慢慢有其他名牌,也多了去其他食肆。





吳佩慈:過去非常低調,並沒在港參與社交界活動,但隨住為富商紀曉波誕下兩女一子,吳佩慈變高調,早前開 39歲生日派對,又戴二千多萬鑽飾出席慈善餐舞會。

撰文:娛樂組 

攝影:攝影組 


鍾意就快D Share啦!


Related Posts Plugin for WordPress, Blogger...