掃呢頁CODE去手機

2017年11月16日 星期四

同黃玉郎離婚十一年辛酸倪詩蓓獨力照顧 17歲自閉兒 [壹週刊 - 1445] __,玉郎,黃玉郎,M1,

張國榮初戀探熱針同黃玉郎離婚十一年辛酸倪詩蓓獨力照顧17歲自閉兒現年51歲的倪詩蓓,80年代初跟哥哥張國榮合作首部電視劇開始拍拖,兩年後分手,之後赴台 ...






張國榮初戀

探熱針

同黃玉郎離婚十一年辛酸倪詩蓓獨力照顧 17歲自閉兒

現年 51歲的倪詩蓓, 80年代初跟哥哥張國榮合作首部電視劇開始拍拖,兩年後分手,之後赴台灣發展, 99年跟黃玉郎結婚,發現兒子 Royce患有嚴重自閉症後,倪詩蓓獨自帶着他到擁有較完善醫療設備的新加坡定居,跟前夫的婚姻也在 06年結束。

單親母親不易為,前年終於不勝負荷身體爆煲,高血壓令她先後進了五次醫院,因為跌傷腳,去年更有十個月要用枴杖。在新加坡生活了十三年,深深體會個人能力有限,成功申請香港寄宿學校後,她又下定決心帶着十七歲,近六呎高的 Royce返港居住,近日更計劃將照顧兒子的辛酸經歷出書,幫助其他患自閉症孩子的父母。

消失香港十三年





倪詩蓓當年在台灣發展得很好,出唱片外,經常拍住早前病逝的豬哥亮、吳宗憲等大哥司儀上八點檔綜藝節目,以及拍過電視劇《情義無價》,知名度十分高。

十四歲入行拍第一部電視劇,八七年跟鍾楚紅合作電影《金燕子》後,倪詩蓓轉移台灣發展,婚後生活低調,在香港消失十三年的她,為自閉兒再度回來生活。她說 Royce週一至週五上課,週末回家小住兩天,週日晚再送他返宿舍。相比在新加坡長年累月繃緊生活,現在有超過四小時睡眠,還有時間寫書分享照顧自閉兒經驗,算是甩難。

「佢喺屋企住,起身我就開始煮早餐,跟住放水俾佢泡泡浴,之後佢會睇電視等等好多嘢,總之好黐身。每個自閉症情況都唔一樣,佢係屬於比較嚴重嗰種,好似一個大 BB咁,乜嘢都叫住媽咪,我需要好大體力。」她說。

封口不提前夫

多年來獨力照顧兒子,關於結婚、離婚,倪詩蓓都避而不談,就連前夫黃玉郎的名字都沒有在口中出現過,問她這些年, Royce爸爸有無探望兒子,她也極力迴避:「今次望盡量講囝囝嘢,呢啲咁耐年代嘅事,我暫時唔會再講。」

自小喜歡煮飯夢想做平凡師奶,甚至想像第一胎生女而改定名,以為唾手可得,偏事與願違,婚姻並不如她所期待:「都無辦法,我先前俾囝囝啲相你睇,細時佢真係可愛兼幾靚仔,突然話佢唔識講嘢,我又係一個自小養起頭家,幾硬頸嘅人,我最初唔相信,覺得只要努力上多啲治療課程就會好番。」





99年下嫁黃玉郎,倪詩蓓婚前婚後都十分低調。





跟 Royce幾歲時的合照,她指囝囝得意又靚仔。





▲曾經做主持訪問藝人的奇異經歷,譚詠麟跟劉德華都上過節目做嘉賓。

長腿模特兒





14歲的倪詩蓓,已經很會擺甫士。

倪詩蓓原名倪文娟,是模特兒出身,因身材高䠷,樣子甜美,很快被招攬入麗的電視(亞視前身)成為當家花旦,代表作有《對對糊》、《甜甜廿四味》,亦因此與同劇的張國榮擦出愛火,成為哥哥的初戀。張國榮曾形容與倪詩蓓的戀情是最難忘的純愛。

與哥哥分手後, 85年有傳倪詩蓓與湯鎮業相戀,兩人關係亦在 87年結束。之後認識前夫黃玉郎,於 99年下嫁給他並育有一子,婚後倪詩蓓變得低調,惜婚姻生活於 06年告終。

撼頭埋牆

由零到成為半個專家,甚至在新加坡跟朋友合資開辦專為自閉症兒童而設的 play gym,她說為帶兒子周圍去,準時三點收工,參加當地為特殊兒童而設的戶外活動。

「佢哋好需要活動,唔可以困住,上完堂就帶佢不停玩、游水。我希望呢本書能夠幫到人,譬如小朋友發脾氣抓傷自己,有小朋友嚴重到去扯人頭髮,當自己好無助時乜都試過,無論係物理、運動定語言治療,甚至去拜神。 Royce都試過成日打自己個頭,甚至撼頭埋牆;有段時間,佢不停抓傷自己隻手,我就幫佢對手戴白襪,雙手仍然可以活動,但就無手指抓傷自己,開頭佢唔鍾意,但我唔俾佢除出嚟,慢慢就戒咗,但都要兩三個月。」她說寫《我的寶寶來自外星》(暫名)是關於二人的奮鬥故事,在台灣推出,收入撥捐慈善機構。





倪詩蓓出書《我的寶寶來自外星》,分享跟 Royce的相處點滴外,主要希望能幫自閉兒父母解決生活困難。





同文雪兒相識三十年,二人最近也有相約見面。





2010年,她形容自己以吃為樂,體形亦相當驚人,似足一個大波。

出入醫院

兒子 Royce有她陪伴照顧,這些年,她卻以不停吃來支撐自己。前年身體出現問題,她才開始節食減磅,至今減了三十磅。

「相比一年前,我已經減咗 14kg,如果你一年前見到我,我仲似一個波。人要放鬆自己就買好多嘢食,係咁食。一年前身體出現問題,都入咗幾次醫院,有一日突然打冷震,我記得好清楚由頭殼震到落腳底,我打電話俾朋友求救時,講嘢都打晒冷震,入院後先知有血壓高,我記得入院時係一百九十幾,醫生話其實好危險,因為中風或者有問題都因為血壓高,都唔知情況咁嚴重,而家開始煮番一啲健康嘢食。」她說。





回港定居後,她跟第一個合作電視劇的導演賴水清見面,細說當年。





跟鍾楚紅合作電影《金燕子》,是她赴台發展前的最後一部電影。





20多歲的倪詩蓓,青春逼人。





新婚初期仍在香港生活,跟不少圈中人包括周星馳都間唔中有來往。





當年拍劇,她跟哥哥都不介意騷身材上鏡。

治療黃金時間

六歲是治療的黃金時間,自閉症兒童有機會痊癒入讀普通學校,日子一天一天的過去, Royce未有進展,她遂將希望放在十歲,因她見過有自閉童十歲前突然說一大堆話例子, Royce滿十歲,她沒有再給自己任何期望。

「我一直努力,努力到佢十歲後就放鬆自己,唔再去諗好與唔好嘅嘢,只係諗點樣去過開心日子,教到佢自己能夠做嘅嘢…"」畢竟,照顧孩子,是媽媽一生的職責。

踢拖拍拖

倪詩蓓跟哥哥合作電視劇《對對糊》撻着,拍拖唔夠兩年分開,有指她是哥哥的初戀,連她也不肯定。對於逝世多年的男友,她記得都是開心事:「我哋嗰時出街唔驚俾人見到,放咗工,佢着人字拖,兩個人去街邊食嘢、睇戲,啲人見到我哋,仲問係咪真係拍拖。我好細個就鍾意食意大利餐,每個禮拜會去中環一間意大利餐廳。拍拖兩年唔夠,我去台灣發展,大家好自然分開咗,返嚟香港,應該喺 coffee shop撞過一、兩次。」

撰文:娛樂組 

攝影:蕭敬漁

場地提供:嘉里酒店


鍾意就快D Share啦!