掃呢頁CODE去手機

2017年11月2日 星期四

3吋事業線!徐子珊低胸西裝贏34D高海寧 __,徐子珊,高海寧,子珊,

真係好難唔「嘩」!藝人徐子珊出席內衣品牌開幕活動,以鮮紅色超低胸西裝造型亮相,大晒3吋事業線,撼贏同場相對較密實嘅「34D咪神」高海寧!子珊表示最近修 ...


真係好難唔「嘩」!


藝人徐子珊出席內衣品牌開幕活動,以鮮紅色超低胸西裝造型亮相,大晒3吋事業線,撼贏同場相對較密實嘅「34D咪神」高海寧!子珊表示最近修讀心理學,啱啱放學就趕過嚟,亦因為時間太緊迫,所以着埋呢套衫返學:「不過有戴頸巾,啲同學當我怪物咁!雖然知我係artist,但未試過咁樣返學,平時好casual。」

問到同學仔嘅視線係咪專注喺佢身上?佢就話冇留意:「但入到課堂佢哋『嘩』咗一聲!(小鮮肉同學?)唔係,都三十幾歲,女仔多。(有冇男同學追你?)冇,好多都已經係爸爸。」

拍內地真人騷搵銀

尚是單身貴族嘅子珊話最近冇人追,除咗返學仲要返內地拍真人騷節目,非常之忙碌:「拍咗兩日已經覺得非常之體力勞動,差啲暈!」皆因呢個真人騷節目要兩隊比賽,子珊話初時隊員以為佢運動叻,點知發現有佢喺度就一定輸,子珊被改名為「遊戲黑洞」。佢話雖然最近唔夠瞓,加上要跑嚟跑去疲倦,但係酬勞唔錯,而且好好玩。記者就話搵咁多係入市嘅好時機,子珊表示:「唔可以咁講,不過酬勞係OK。」


來源 source: http://hk.on.cc
鍾意就快D Share啦!